Wa Sarabyin Leo XIV gaw, Hkristu a Hkum hkrang, Nawku hpung a daw shan ni hku nna, Shi a matsan dum lama ai, shalan shabran ai, simsa ai lam a Kabu Gara Shiga hpe anhte a prat hta tsun shaga, hkawm sa ai lam hku nna, sakse hkam hkaw tsun na matu shaga la hkrum ai ni re lam, kam sham ai hpung masha ni hpe shadum ya lai wa ai. Hkristan yawng a kanu nawku hpung rai nga ai San Yawhan Lateran Nawku Htingnu hpe ap nawng ai (Dedication) poi 9.11. 2025 laban shani hta dai nawku htingnu a sung htum ai wenyi a lachyum hpe myit sumru yu lai wa ai.

Ndai Basilica gaw, mungkan ting na Nawku hpung a kahkyin gumdin lam hte kanawn mazum lam hte Kasa ni jaw ya ai makam masham hpe madi shadaw ya nga ai. shi a hkrung nga ai labau manu hta lai nna, Nawku hpung a hkrung nga ai makoi magap da ai lam hpe masat kumla shatai ya ai lam rai nga ai, nga nna Wa Sarabyin tsun shadum dat ai.

Wa Sarabyin gaw, Karai Kasang a tengman ai chyoi pra ai shara gaw, nta langai mi sha n re, Hkristu nan rai nga ai—Shi a si hkam ai hte bai hkrung rawt ai hku nna, shinggyim masha ni hpe Kawa hpang de woi sa wa ai chyinghka tai wa ai lam hpe Wa Sarabyin ahkyak shatai tsun da nga ai. Shi hte rau kahkyin gumdin ai kam sham ai ni gaw, Nawku hpung a “hkrung nga ai nlung”(living stones) ni tai wa nna, Shi a tsawra myit hte chyoi pra ai lam hpe anhte a prat hta madun shadan na matu shaga la hkrum ga ai.

Hkristan ni hpe kaja wenyi lam hpe hkan sa na matu shadut ya ai, Nawku hpung a chyoi pra ai lam gaw shinggyim masha ni a arawng sadang kaw na n re ai sha, Karai Kasang a hkam sharang lu ai kumhpa kaw na pru wa ai, shinggyim masha ni a gawng kya ai lam hku nna pyi pru wa chye nga ai. Kam sham ai ni yawng hpe Karai Kasang lata la ai amyu tai ai lu ai majaw, kabu gara nga na matu n-gun jaw ai hte, Nawku hpung a Kanu Nu Maria, anhte hpe lam madun ya na matu akyu hpyi ya ai hte shaman y alai wa ai.