Daini na Ja Chyum Mungga hpe hti sumru yu ai shaloi e, Galile nawng makau masha law law hpe Yesu shamai ya ai lam hte masha hkying mali hpe Yesu muk shalaw nna jaw sha ai lam na la lu ga ai. Masha unawng kaba gaw, tsi shamai la na matu, Madu Yesu a makau de kahkyin sa wa nga ma ai. Shanhte gaw, pu ba wa ma ai. Bai shanhte kawsi ai hte, n gun yawm mat wa ma ai. Dai majaw Madu Yesu gaw dai masha ni hpe yu matsan dum nga ai. Ndai matsan dum lama ai ngu ai ga si hpe, San pra ai Francis Xavier sung lang nga ai. Shi hkum nan mung, hkap la hkan sa nga ai.

Shi a magam rum manang ni a ntsa e mung matsan dum lama ai. Shi hkaw tsun ai tara mungga hpe hkap la ai ni hte, n hkap la ai ni a ntsa e mung, matsan dum ai lam nga nga ai. Dai majaw shi sasana galaw ai lam grai awng dang nga ai. San pra ai Francis Xavier gaw masha (3000) jan a myit galai shai kau ya ai majaw, hpung shang wa ai re. Madu Yesu gaw tsawra myit re ai majaw, tsawra myit madun dan ya ai. Shi hkum nan mung, Madu Yesu sharin shaga ai hte maren sak hkrung ai majaw, shi a sasana magam lam apu asi law htam nna, awng dang nga ai. Anhte Madu a hpang hkan ai ni yawng mung, madu lam madun ya ai hte maren, San pra ai Francis Xavier zawn a sak hkrung nga pra sa ga law.