“Anhte shinggyim masha ni gaw akyu hkam sha ai ni sha n-ga, kaga hpan tawn da ai ni hpe mung makawp maka ai ni rai nga ga ai. Anhte a hkum hkrang a majaw, Karai Kasang gaw anhte a grup yin mungkan hte grai ni htep hkra kanawn mazum ai majaw, nam mali ni ga n hpu byin mat ai hpe hkum hkrang machyi makaw zawn hkam sha lu ai, amyu langai htum mat ai gaw anhte a myit ra ai lam hpe hkra machyi hkra machyi shangun ai zawn hkam sha lu ai. anhte a prat hte htawm hpang na prat ban prat a matu mung makawp maga ra nga ga ai. (Wa Sarabyin Francis, Kabu Gara Shiga a Kabu Gara Shiga [Evangelii Guadium], No. 215) hta lawm nga ai.
“Grup yin gaw masha shagu hpe Karai Kasang jaw ya ai kumhpa rai nna, dai hpe anhte jai lang ai hta matsan mayan ni hpe, htawm hpang na prat ban ni hte shinggyim masha ni yawng a matu lit nga ai. Anhte a grup yin hpe lit la ra ai lam ni gaw shinggyim masha hpe lit la lam ni hte matut mahkai nga ai. Lit langai hpe hkan sa nna kaga langai hpe dip sha ai gaw shut na re. (Wa Sarabyin Benedict XVI, Tengman ai lam hta tsawra myit [Caritas in Veritate], Nos. 48, 51)
“Shingra tara hpe akyu hkam sha lam a npawt nhpang hku sha mu mada ai shaloi, ndai lam gaw shinggyim wuhpawng a matu grai sawng ai n kaja akyu ni hpe byin shangun ai. ‘n-gun atsam rawng ai ni prat’ ngu ai gaw, shinggyim masha law malawng hpe grai n rap ra ai lam, n tara ai lam hte zingri zingrat ai lam ni hpe shabyin ya nga ai, hpa majaw nga yang, sut masa lam ni gaw, shawng nnan du ai wa a lata hta htum mat ai. Yesu ra sharawng ai gaw myit hkrum lam, tara rap ra lam, hpunau tsawra myit hte simsa lam a myit masa ni rai nga ai.” (Wa Sarabyin Francis, Tsawra myit a kabu gara lam [Laudato Si],no. 82)
“Hpan Madu kaw nna shinggyim masha hpe jaw da ai uphkang ai lam gaw chyalai n-gun atsam n re, shing nrai, tinang ra sharawng ai hku ‘ jai lang ai the shut ai hku jai lang ai’ na matu nrai nga ai. Hpan Madu shi nan shawng nnan kaw nna tawn da ai shadawn sharam kumla hku nna ‘hpun asi hpe asan sha n sha na’ ngu ai pat hkum ai lam hpe tsun shaleng dan ai (Gen-f2)1. shingra tara mungkan hte seng nna tsun ga nga yang, anhte gaw shingra tara ni a npu e sha n-ga, akyang lailen hte seng ai tara ni hpe mung hkan sa ra ai, dai hpe ari n jaw ai sha tawt lai lu na n rai. (San Yawhan Pawlu II, Shinggyim wuhpawng hte seng nna myit tsang ai lam [Sollicitudo rei Socialis], No. 34)
“Teng man ai ecological grupyin the seng ai ladat gaw galoi mung shinggyim wuhpawng ladat tai wa ai; dai gaw grup yin hte seng nna bawngban ai lam ni hta tara rap ra ai lam a ga san ni hpe hpaw shalawm ra ai, dai hku nna mungkan ga a hkrap ngu hkrap ngoi ai hte matsan mayan ni a hkrap ngu hkrap ngoi ai hpe na lu na rai nga ai. Yawng mayawng gaw matut mahkai nga ai. Dai majaw grup yin hpe myit tsang ai lam gaw anhte a shinggyim masha ni hpe teng man ai tsawra myit hte shinggyim wuhpawng a manghkang ni hpe hparan na matu n-gun atsam marai, myit masin tup hte rau hpawng de ra ai.” (Wa Sarabyin Francis, Anhte yawng a nta hpe yu lanu lahku ai lam [Laudato Si’],nos. 49, 91)