Daini na Ja Chyum Mungga hpe hti sumru yu ai shaloi e, dam mat ai sagu a lam hpe na la lu ga ai. Tsingdu tsingman hpun ni gaw, hkun hkraw nyip mat chye nga ai. Jahtum chyalai Karai a mungga gaw, prat dingsa agrin nga ai. Ndai mungkan hta, mahkra hte gaw galai shai mat na raitim mung, Jahtum chyalai Karai gaw, tut e dinggrin a nga nga na rai nga ai. Dai zawn sha anhte shinggyim masha ni a prat mung, tsingdu tsingman ni zawn jahkring sha rai nga ai. Dai zawn jahkring sha nga nga ai aten hta, masha ni hpe mung kam shamyet let nga sa ra ga ai.

Dai hta sha n ga, Karai Kasang kaw mung kam shamyet let nga sa ra ga ai n rai a ni. Shingrai jahkring mi sha grin nga ai masha ni gaw jahkring mi na matu chyu sha garum shingtau ya lu na re. Jahtum chyalai grin ai Karai Kasang gaw, htani htana asak a matu garum ya na teng sha re. Shinggyim masha ni a garum shingtau ai gaw sum ai awng dang ai ngu nga ai raitm, Karai Kasang a garum bau sin ya ai hta gaw, sum ai awng dang ai ngu n nga ai. Anhte lam shut kataw wa ai ten ni hta mung, masha ni gaw, hkam sharang ai lam hta shadawn sharam lam nga ai. Raitim Karai Kasang a mara raw hkyam sa jaw ai gaw shadawn shadang n nga ai. Shi a tsawra myit gaw tut nawng dinggrin a nga nga ai hpe kam hpa sak hkrung nga sa ga law.