Daini na Ja Chyum Mungga hpe hti sumru yu ai shaloi e, Yawhan a lam Yesu sakse hkam ai hpe na lu ga ai. Chyum laika hta shinggyim masha ni hpe gajin chyai hkrung kanu ni hte shingdaw da nga ai. Bai shakawn kungdawn laika (22:6) hta e mung, dai gajin chyai hkrung kanu ni hpe Madu Yesu a nni nkri hkam la ai hku nna, tsun da nga ai. Bai myihtoi Heshaa mung ndai gajin chyai hkrung kanu hpe e, Israela masha ni a n gun kya ai, kaji kadun ai myu ngu tsun da ai rai nga ai. Raitim Israela masha ni hpe tsun jahpyak ai hku n re. Shanhte a galaw lu ai atsam gaw, Karai Kasang kaw na lu la ai re hpe tsun da nga ai.

Bai Avila mare kaba na San pra ai Teresa mung shi hkum shi gajin chyai hkrung kanu ni hte shabung da nga ai. Karai Kasang a shawng e shi gaw mara lu ai wa, gawng kya ai wa, kaji kadun ai wa re ngu tsun da ai rai nga ai. Anhte yawng gaw, shingtai kanu hte bung nga ga ai. Ndai shingtai si mat ai hpang tsawm la ai palan la hte bung nga ai. Anhte yawng, namak lawhpa ai prat hte si mat ai hpang, Madu hta prat ningnan hte asak hkrung sa ga. Anhte gaw gawng kya ai ni re ai majaw, anhte hpe n gun jaw kam hpa ai wa Madu Karai hta, sak hkrung nga sa ga ngu n gun jaw dat lu ga ai.