San Francis Xavier P.L.N Chyahkrai Bawda ( 25 ) Ning Hpring Gumhpraw Jubilee Misa Hkungga Lamang Galaw
Hpaw Hpang Ai Shaning Hte Woi Awn Lai Wa Ai Ni
Lai wa sai 1997 Ning hta Myitkyina Sasana Sagurem Wa (Wa Saradaw Paul Zinghtung Grawng) hpaji jaw lam matsun let, Myitkyina Ginwang Up ( Wajau Peter Kareng Gam Aung) kaw nna woi awn let, hpaji jawng n’matut lung lu mat sai ramma ni hpe kan bau hpaji shalat ya na matu yaw shada let, Shalat jawng hpe hpaw hpang wa sai.
2000 ning kawn na 2003 hta, Chyeju madu Wajau John Galang La Raw, Jawng Dung Jau hku woi awn let, Myitkyina, Manmaw, Sam Mung, shara shagu hkan na, matsan mayen Jahkrai nmai Kanu Kawa nlu sai ma ni, hpaji sharin nga la lu na matu yaw shada let Jahkrai Jawng nga nna, hpaw hpang wa ai mung rai nga ai.
2003 May Shata Praw 6 ya shani kawn, Sagurem wa Wasaradaw (Paul Zinghtung Grawng) hpaji jaw ladat shaw nna, San Francis Xavier Mama Wuhpung ni hpe shatsam wa ai hte rau, St.Francis Xavier Ma Ma Kaba Jacinta Jangma Hka Ra hte Ma Ma Bernard Zinghtung Pri yan lit la yu lai wa nna, dai ni du hkra gahti galai hte San Francis Xavier Ma Ma ni yu taw nga ai bawda mung rai nga ai.
Shaning shagu nga lai wa ai jawngma ni gaw, 110 – 150 grup yin nga ai mung rai nga ai. Dai hta madung hkap la ai Jawngma ni gaw Kanu Kawa nlu sai jahkrai nmai ma ni hte, matsan mayan rai hpaji lam ndep hkap lu ai Myikyina , Manmaw, Sammung Sasana Masum, shara shagu na ma ni hpe hkap la nga ai mung rai nga ai.
Garum shing tau nga ai alu madu hpan ni gaw – Anhte buga na chyeju madu sut du lauban launa ni hte, Maigan na lak san alu madu ni shang lawm garum nga ai hpe mung chye lu ga ai.
Bawda kaw nga lai wa nna, ya Ningtawn Aung Dang taw sai ni mung law law rai nga ai. Dai hta, – Wajau Marai=3, Mama ni -5, Brother ni law law, hte Sut Du Lauban byin taw sai ni, UN agencies, INGOs, NGOs hkan magam gun nga ai ni law law nga nga sai lam hpe mung chye lu ga ai.
Dai ni du hkra ndai bawda jawng kaw nga lai wa ai jawng ma yawng rai yang, -1037 hpe mung shakung shahpan hpaji sharin jaw lai wa sai hpe mung chye lu ga ai
Ya ta tut nga taw ai Jawngma ni hte , tatut lit la nga ai ni gaw– Jawngma Yawng – 115, Mama ni – 4, ap nawng Sara /saranum ni -10 rai nga ai rai nna, Wajau Paul Hkun Shin Awng kaw na mung, ndai Bawda jawng a matu lak san Wenyi Kanu Kawa magam hku nna, magam Lit gun hpai sa wa na lam hpe mung chye lu ga ai.
Bai San Francis Xavier P.L.N Chyahkrai Bawda ( 25 ) Ning Hpring Gumhpraw Jubilee Missa Hkungga hpe 8 Dec, 2025 ( Bat 1 Ya ) 9:00 am – 10:30 am du hkra Sagurem Wa Wasaradaw John Mung Ngawn La Sam, Wa Saradaw Francis Daw Tang hte Wajau ni, Wuhpung Shagu na Mama ni, Brother ni, Nawku hpung masha ni law law hte awng dang ai hku galaw la lu saga ai.
Missa Hkungga ugut ai hpang du sa ai Wasaradaw ni hte, lit la woi awn lai wa sai Wa Jau Ni, Mama ni, Sara/saranum ni hpe, Wunpawng Htunghking magun shat lit ni hte rau, Alu madu ni hpe mung Shagrau Masat laika pa ni hte shagrau hkalum lai wa sai rai nga ai.
Bai Ndai lamang hta, Ya ta tut lit la woi awn nga ai, Mama Kaba Rose Angeline Maran Nang Doi kaw na mung bawda a labau kadun hte, hkalum shaga la ngut ai hpang, Bawda kaw nga lai wa let, shawng ningnan jau tai wa sai Wajau Paul Zinghtung Htoi Naw kaw na mung jawng ma ni hpe lak san n’gun jaw mungga shaga lai wa sai mung rai nga ai, dai hpang jawnma u sa ni a cheyju dum sak se hkam ai lam ni, shangwi shapyaw shagrau la let,Jubilee Cake ga shaman let, Jubilee malu masha hkam la nna, awng dang ai hku galaw la lu saga ai rai nga ai
Bai ndai bawda jawng de matut mahkai sa na nga yang, Mama Kaba Angeline Maran Nang Doi -09451441355 de matut mahkai wa nna, Tinang nga ai Jau Ginwang Up hte Lit hkam sara a madi shadaw laika pa ni hte lawm rai nna, sa du hpaji sharin hkam la mai ai lam shana ya dat lu ga ai.
