Daini na Ja Chyum Mungga hpe hti sumru yu ai shaloi e, Yesu a daru magam ahkaw ahkang hpe n hkap la ma ai lam na lu ga ai. Ndai chyum laika hta hkinjawng agyi ni hte chyum laika sara ni hta e grai nan shai taw ga ma ai. Myu sha n bung ai myit htoi hkinjawng ni raitim, Madu Yesu du sa na hpe shaning law law kaw nna, tau nau mu mada hkap la lu ma ai re. Raitim dai hkinjawng agyi ni hte chyum laika sara ni gaw, Madu Yesu hpe mu lu na ahkaw ahkang nga tim pyi, Madu Yesu hpe n mu lu ma ai. Hpa majaw nga yang shanhte gaw Madu Yesu hpe Hkyela Madu re ngu ai hpe n hkap la na.

Dai majaw Madu Yesu a galaw sa lu ai lam, ahkaw ahkang ni hpe n tsen ma ai majaw rai nga ai. Madu Yesu gaw kadai wa re ngu ai hpe mung n chye ma ai. N kam ai myit hte Madu Yesu hpe yu azi nga ma ai. Shanhte ni gaw hpa lam ni hpe mung mungkan a ningmu hku nna sha yu mada daw dan chye ai majaw mung re. Madu Yesu gaw shanhte san da ai ga san hpe htai da ai mahtai hpe yu dat ai hte, shanhte gaw Karai Kasang a myi man hpe n yu ai, masha a myi man hpe sha yu mada ma ai. Jaw kaja ai lam ni hpe mu mada lu na matu, shanhte a myi ningmu ni myi di pat taw nga ma ai. Dai majaw shiga madat ni e, anhte a prat hta e, Karai Kasang kaw na chyeju ni hpe hti sumru yu let, chyeju dum chye na grai nan ra nga ga ai.