Chyum laika hta lawm ai tara rap ra ai lam.
Chyum laika hta tara rap ra ai ngu ai myit masa gaw sut su ai myit masa re ai hpe mu lu ai.
Grau dam lada ai lachyum: “dinghpring ai”
Lachyum: Karai Kasang a hpaji byeng-ya & myit ra ai lam hte maren hkan sa ai lam, ngu ai gaw, “chyoi pra ai lam,” “san pra ai lam” re. tsun ga yang, tara rap ra ai lam gaw tara hta sadi dung ai & Karai Kasang a tara ni hpe hkum tsup ai hku hkan sa ai hpe tsun mayu ai (N.N.18:19; Tara Jahprang 6:25).
Dinghpring ai wa gaw, mara n kap ai mayam rai nga ai (N.N 6:9; 18:23-32…).
Ndai myit masa hpe Ga Shaka Ningnan hta mu lu nga ai. “Dinghpring ai hte kawsi hpang gara ai ni gaw a lu ma ai” (Mt. 5:6). “Kam sham ai hte ding hpring ai wa gaw hkrung nga na ra ai” (Rom 1:17).
Kaja ai magam bungli, gaw “dinghpring ai magam bungli” (Mt. 6:1; Mt. 5:20) hte mung seng nga ai.
O.T., mung shawa tara rap ra lam hpe moi na Israela tara upadi hku nna tara agyi ni kaw nna hpyi shawn da ai rai nna, tara agyi ni gaw shanhte a lit magam hpe gun hpai ai shaloi dinghpring ai lam hpe madun dan ra ai (Jaw Jau 19:15 – 35; Tara Jahprang 1:16; 16:18-20).
Tara rap ra lam hpe Kaga masha ni a ahkaw ahkang hpe hkungga na matu Yuda hpung masha shagu hpe hkang da nga ai (Pru 23:6-8); Tara Jahprang 25:13-15).
Dai hte maren tara rap ra ai lam hpe hkawhkam wa kaw na myit mada nga ai (Yer 22:1-3; Shk 72:1-4), shi hpe shakawn shagrau ai (2 Sam 8:15; 1 Hkawhkam 10-9).
Myihtoi ni gaw tara agyi ni & hkawhkam ni matsan mayan ni hpe n tara ai hku dip sha ai lam ni hpe tsep kawp ninghkap ai the mara shagun ma ai.
Matsan masha ni hpe zingri zingrat ai & ahkaw ahkang hpe shut ai hku jai lang ai ni hpe Karai Kasang matai htang na lam hpe tau hkrau tsun da ma ai hpe mu lu ai.
O.T.hta n tara ai lam hpe shinggyim tara (sh) htung lailen ni hpe tawt lai ai hku sha n mu mada ai sha, Karai Kasang a ga shaka hpe tawt lai ai & Karai Kasang a chyoi pra ai lam hpe jahpoi asawng ai ngu ai nawku htung masa hku galoi mung mu mada ai.
N.T: Yesu tsun shaga ai hta, tara rap ra ai lam gaw, Tara hpe sadi dung ai ngu ai chyum laika lachyum hpe makawp maga ya nga ai.Yesu gaw akyang lailen hpe tengman ai tara rap ra lam, Karai Kasang a hkang da ai ga ni hpe wenyi myit masin the madat mara ai lam re ngu nna lachyum shaleng ai. Bum ntsa na shi a lu ai Mugga hta Yesu gaw shi a sape ni hpe tengman ai tara rap ra lam hpe lachyum shaleng da nga ai (Mt 5:17-6:18).
Hparishe ni a tara rap ra ai lam gaw, shinggan hta tara shang hku nna shadik shatup ai lam hta sha myit dik nga ai, raitim, htingbu wa a akyu ara hpe teng sha myit dum ai tara rap ra ai lam gaw grau kaba ra ai (Mt 5:20; 23:23).