Daini na Ja Chyum Mungga hpe hti sumru yu ai shaloi e, Yawhan Baptista shangai wa ai lam hpe na chye la lu ga ai. Zahkri hte Elizabeth mung kabu nga ma ai. Shanhte hte rau jinghku jigyu htingbu htingbyen ni yawng mung kabu nga ma ai. Yawhan a lachyum gaw, Karai Kasang gaw chyeju hte hpring zup nna, matsan dum ai gaw yawng a matu kaba la nga ai. Hpa majaw nga yang Yawhan Baptista gaw shinggyim masha ni yawng a Hkyela madu hpe kashin kamun hkam ya ai wa rai nga ai.

 Yawhan Baptista gaw Madu Yesu hte Yawdan Hka hta hkrum ai shaloi mau mat nna, Ngai mahtang she Madu Yesu kaw na, kashin kamun hkam la ra ai rai nga ai nga tsun ai. Bai shi kaw Hkyela Madu Kashin Kamun hkam la ai yaw shada ai lam chye madat wa ai. Dai majaw, Hkyela Madu gaw, myit malai lu na lam a matu Chyoi pra ai wenyi hte nanhte hpe kashin ya ai rai n na, ngai gaw Hka hte nanhte hpe kashin kamun ya ai. Ga shaka dingsa hta masha ni a ntsa, Hka hte lapri nna, kashin ya ai. Shaloi jang she mara kaw na san seng chyoi pra wa na teng sha re. Madu Yesu shi langai chyu sha kashin kamun hkam la ai majaw, masha yawng gaw, mara kaw na lawt lu ai lam hkam la lu ma ai.