Daini  na Ja Chyum Mungga hpe hti sum ru yu ai shaloi e, Galile mungdaw e Yesu sasana magam gun hpai ai lam hte Yesu machyi masha law law hpe shamai ya ai lam ni hpe na lu ga ai. Myihtoi Elia hkaw tsun ai lam ningsin kata hta nga nga ai masha ni kabu hpa ninghtoi hpe mu lu sai. Si du a shingnip hta nga nga ai ni yawng a n tsa hta ninghtoi pawpru sai. Dai lam ni mahkra gaw Madu Yesu hta hpring zup nga sai. Hpa majaw nga yang e, Madu Yesu gaw kaga mai gan amyu ni nga ai panglai hkin gau hte Galile mungdan ting hta nga n na, kaga masha ni a a lapran hta hkaw tsun ai gaw, myit malai lu mu. Sumsing mungdan gaw ni wa ra ai. Ngu n na tsun sharin shaga ai.

Madu Yesu du sa ai gaw, Israela myu masha ni a matu chyu sha n rai, ndai mungkan na myu sha yawng a matu re ai lam ndai chyum mungga hku nna, chye la lu nga ai. Madu Yesu gaw, masha yawng a matu ninghtoi rai nga ai. Shi a ninghtoi npu hta e, masha ni gaw jet ai Karai Kasang hpe chye la lu ma ai. Dai majaw teng man ai prat hpe hkawm sa na sharin hkam la lu ma ai re. Ninghtoi madu re ai Madu Yesu a tsun sharin ya ai. Myit malai lu mu. Sumsing mungdan gaw ni wa ra ai. Dai gaw kaga masha ni a matu n rai, anhte marai hkum shagu a matu mung rai nga ai. Shuthpyit mara lu ai ni anhte ni tinang shut shai lai mat wa sai mara ni a matu shani shagu dumsawn myit malai let, kabu gara shiaga hpe hkan sa let. Lachyum nga ai. A kyu rawng ai prat hku sak hkrung hkawm sa ga law.