2026 ning January shata praw 3 ya shani hta, U.S. laksan hpyen hpung ni gaw, Venezuela mungdan, Caracas mare hta gumsan magam Nicolás Maduro hte shi a madu jan Cilia Flores hpe rim la nna, tara tawt lai ai mara hte tara shawk shawn hkrum na matu New York mare de htaw wa mat ai rai nga ai.
Wa Sarabyin Leo XIV gaw Venezuela mungdan masha ni a matu grai myit tsang ai lam tsun shaleng dan ai. Shi gaw zingri zingrat ai lam hpe jahkring kau na matu tsun shadut ai hte mungdan a awmdawm ahkaw ahkang, tara rap ra lam, shinggyim ahkaw ahkang ni hpe hkungga ai simsa lam de sa wa na lam hpe tsun shadut da ai. Ya aten na sut masa manghkang hta matsan masha ni hpe makawp maga ra ai lam hpe laksan tsun shaleng dan ai.
Venezuela Wa Saradaw ni a Zuphpawng kaw nna, ndai gasat gala lam hta hkala nba hkrum ai ni (sh) si hkrum ai ni hpe madi shadaw ai lam hpe ndau laika shapraw da ma ai. zingri zingrat ai lam amyu myu hpe ninghkap kau nna, gasat gala ai lam ngut ai hpang, amyu sha lam de hkawm sa wa ai shaloi, “simsa lam, hpaji byeng-ya, n-gun atsam” hpe lu la na matu akyu hpyi ai lam hpe chye lu ai.
