Wa Sarabyin Leo XIV gaw, Hkrismat ladaw Laban lahkawng shani na, Angelus munnga hta Hkristan myit mada lam a npawt nhpang hku nna, shinggyim masha hkum hkrang hkam la ai lam a makoi magap da ai lam hpe myit sumru yu lai wa ai. Makam masham gaw ‘abstract concept’ n re ai sha Karai Kasang hte shinggyim masha lahkawng yan hpe ap nawng da ra ai ‘lived reality’ re ai hpe ahkyak shatai tsun lai wa ai.
Myit mada lam a npawt nhpang
Karai kasang anhte rau nga ai: Hkristan myit mada lam gaw “optimistic forecasts” hta madung tawn ai sha, Karai Kasang a shinggyim hkum hkrang tai wa ai hte garan gachyan na matu dawdan ai lam hta madung tawn ai lam hpe Wa Sarabyin shadum ya nga ai.
Jubilee Shaning Hpung dim: Du wa na January 6 hta San Petru Nawku Htingnu a Chyoi Pra ai Chyinghka hpe pat nna, Myit mada ai Jubilee Shaning hpe hpung dim dat na rai nga ai.
Wa Sarabyin gaw kam sham ai ni a matu madung lit magam lahkawng hpe tang madun da nga ai.
1. Karai Kasang hpang de: “Abstract doctrine” kaw na tsan mat wa nna, Yesu a shinggyim hkum hkrang hta Karai Kasang hpe chye na ra ai. Wenyi lam gaw “hkum hkrang hkam la ai” rai ra ai, Karai Kasang hpe tsan ai kaw nga ai karai langai zawn n mu mada ai hta, shani shagu na sak hkrung lam hta rau hkrum zup lu ai karai kasang rai ra ai.
2. Shinggyim masha ni a matu: Masha shagu gaw Karai Kasang a hkrang sumla hpe madun dan ai re majaw, shinggyim masha shagu a “sari sadang hpe n mai tawt lai” ai hpe chye na ra ai.
Tengman ai Nawku daw jau ai lam
Wa Sarabyin gaw makam masham hta ap nawng ai lam hpe shinggyim wuhpawng hta lit la ai lam hte n mai garan ginhka ai ngu ai hpe ngang ngang kang kang shadum dat nga ai. Shi tsun ai hta: “Shinggyim masha ni hpe yu lanu lahku ai lam n nga ai sha Karai Kasang hpe tengman ai hku nawku na lam n nga ai.”
kam sham ai hpung masha ni tinang a htingbu ni hpe daw jau na matu jin jin rai nga lu na matu hte, Hkrismat aten na kabu gara lam gaw anhte a wenyi hkrun lam ni hpe madi shadaw ya lu na matu, Nu Maria kaw hpyi nem let, shi a munga hpe hpung dim dat ai.