Daini na Ja Chyum Mungga hpe hti sumru yu ai shaloi e, masha hkying manga hpe Yesu lu sha shalaw n na, jaw sha ai lam na chye lu ga ai. N`mai byin ai lam ni hpe byin hkra galaw na nga yang, hpa baw magam lam raitim galaw lu ai Madu Yesu a a rawng a ya hpe kam ra ai. Bai Tinang kaw nga ai lam ni hte hpang galaw ra ai. Dai tinang kaw na nga ai atsam ni hpe Karai Kasang hpe shawng chyeju dum chye ra ga ai. Shingrai dai madu kaw nga ai atsam marai lam ni hpe matsan jam jau ai ni, ra kadawng ai ni hpe lahpawt ai myit n nga ai sha garum shingtau daw jau ra ga ai.

Shaloi jang e mau na zawn re ai mai kaja ai akyu hkam la lu na rai nga ai. Madu Yesu muk tawng manga, Nga lahkawng htemasha hkying manga hpe jaw lu jaw sha ai mabyin kaw na nahte lu la ai gin lam ni gaw, anhte myit tsam pu ai lam nga chye ai. Shaloi e anhte a makam masham hpe yawng sung lang chye na ra nga sai. Shaloi jang, Karai Kasang a kaja dik ai kumhpa anhte lu la na teng sha re. Madu Yesu shinggyin masha ni a n tsa tawn da ai matsan dum lama chye ai lam hpe kasi la let, shada da chye madat ya ai myit hte ta tut hkan galaw sa nga ga. Shingrai tsawra shawang myit kaba hte daw jau gam garan ya nga ga law.