Daini na Ja Chyum Mungga hpe hti sumru yu ai shaloi e, nat kap ai masha hpe Yesu shamai ya ai lam na lu ga ai. Daini na, kabu gara shiga hta, Madu Yesu a galaw sa ai magam lam hta, kabu gara shiga hkaw tsun ai. Nat tsa dan hpe gawt shapraw ai. Bai ana yawga ni hpe tsi lajang ya ai ni lawm nga ai. Masha langai mi hta e mi na hkamja lam bai lu la mayu yang, Madu Yesu a galaw lam ni hta, kawa Karai Kasang a hkumtsup ai galaw sa ladat ni hpe anhte mu lu ga ai. Kawa Karai Kasang gaw kasha Karai Kasang hpe lit magam hte ahkaw ahkang yan hpe ap nawng ya ai majaw, shi a hkaw tsun galaw shaga ai lam ni gaw, na la ai ni a matu mau kajawng hpa nan rai nga ai.

Nat tsadan ni pyi Madu kadai re ai hpe mu chye lu ma ai. Shingrai dai a hpung shaing kang arawng sadang hpe tawn kau da nna, Karai Kasang a up hkang nga sa hparan ai npu hta bai la sa wa na hpe shanhte chye nga ma ai. Dai majaw power, ahkaw ahkang hte shanhte hpe Madu Yesu gawt shapraw kau ai shaloi, dai nat tsadan ni gaw, hkrit kajawng ai hte rawt hprawng mat ma ai. Madu Yesu a hpang hkan nga ai ni rai nga ai, anhte yawng mung, hten za na lam de du shangun ai lam ni mahkra hpe Madu Yesu a hpung shingkang a rawng sadang dagu ahkaw ahkang hte gawt jahkoi kau lu na matu shakut shaja nga ga law.