Htai Ya Ai Wa – Wa Jau Dr. Joseph Gawlu Yung Wa

1          Kahtawlik Hpung masha n re ai, si mat sai weyi ni a matu Missa hta hpyi shalawm ya mai kun, mara kaba lu ai kun chye mayu ai.

2          Kahtawlik Nawku Hpung hta, Missa hpyi ai kaw nat jaw nta masha ni mung Missa Hkungga hpe sa mai hpyi la ai kun? 

Htai –  Mai ai, si mat wa sai ni yawng, shanhte a makam masham hpe n yu ai sha, Missa Hkungga nawng ya na matu hpyi mai ai.  Dai hku akyu hpyi ya let, shanhte hpe Karai kasang a matsan dum lama ai hta ap da lu ga ai.  Kahtawlik n re ai ni a matu Missa Hkungga nawng ya nna akyu hpyi ya mai ai lam Canon tara hta Jau ni hpe matsun da ai.

N-gun Shaja Sakramentu rai n la shi yang, Hkungran Sakramentu la mai ai kun?

Htai    Mai ai; raitim, Nawku Hpung hku nna naw – shi a tsang the tsang rai nna hkam la mat wa na hpe n-gun jaw ai.  Kashin Kamun, N-gun Shaja, Mara Raw, Chyoi Pra Hkum, N-gun shaja ngu nna langai hpang langai tsang the tsang hkam la mat wa ai rai yang gaw, Karai jaw ai chyeju ni hpe mung nhtaw n-ya, n hkring n sa hkam la lu na ga ai

San Ai Wa — Myitkyina Saradaw Sasana, Namti Jau Ginwang, Namti Muklum, Lambraw Yang mare, Lagat Lawk kaw shanu nga ai Jan Elizabeth Nmaw Hka Ja Ngai hte ) Bai, Shuili Jau Gyinwang, Loi Lung Ninghtawn, Uteng Pa mare kaw na Slg Peter Zinghtung Awng, Prang Hkudung Jaw Gyinwang, Bumwa kaw nna ya, Yinjang Jau Gyinwang, Leng Hkaw kaw nga nga ai, Cecilia Lazum Htu Lum