San pra ai Thomas A quinas gaw lai wa sai aten ni hta mying gumhkawng ai Karai Kasang hte seng ai hpaji ninghkring ni hta na langai mi rai nga ai. Shaning 1225 hta Naples makau na A myu kaba ai kaw na shanagai wa sai rai nga ai. Shi gaw a sak (5) ning kaw n na, Benedict jau hpung ni kaw laika hpaji sharin na matu sa du sai. Shi gaw Naples Dakasu kaw madang tsaw ai hpaji hpe sharin la lu sai rai nga ai. Hpaji lam hta awng sharawng ai hte Karai Kasang hpe mung tsawra hkungga chye ai wa re. Bai shi a sak (19) ning hta San Domonic taw ra jau hpung ni a sang gan lu la sai.
Grai lu su ai Kanu Kawa ni gaw San Domonic taw ra jau hpung de shang ai n ra ai majaw, masin pawt n na htawng masha langai mi hpe zawn adip arip di nta de bai sha ga wa ai.
Kanu Kawa ni the jinghku ni jau tai na matu myit n hkrum ai rai n na, Thomas myit galai na matu lam a myu my hku n na tsun shadum ai raitim n madat sai. Kanu gaw Thomas hpe woi la na matu Naples mare de sa wa ai hpe chye jang Roma de hprawng mat wa sai. Roma mare kaw n na Paris myo de bai htawt hprawng sai. Dai yang e shi a kahpu shi hpe rim la nna, Aquinas mare de woi la n htawm htawng hta bang da sai. Raitim Thomas myit n galai hkraw ai majaw hpang jahtum a hkang jaw ni ai.
Shingrai Thomas gaw Paris Dakkasu kaw hpaji bai matut sharin la nga ai.Myit grit nem ai hte sumnung shingdi ai wa re majaw, shi a hpaji hpe n chye ya lu ma ai. Jau tai ai hpang asak 25 ning hta Paris Dakkasu kaw sara tai nna hpaji sharin ya nga ai dai kaw nna shi a amying kaba dan hkung wa sai.
Shi gaw mungkan hte seng ai hpungtang hpji, myit hpaji, Karai Kasang hte seng ai sung htum ai lam ni hpe mau na daram grai dan leng ai hte akyu rawng ai ni law law ka da ya sai. Shingrai AD 1261 ning hta Sarabyin Urban IX gaw shi a n pu e amu gun na matu shaga la sai. 1268 ning hta Niples Saradaw lata la hkrum sai raitim Saradaw aya hpe ningdang kau nu ai. San Thomas gaw Chyoi Pra Ai hkum hpe grai tsawra hkungga ai wa rai nga ai. Aten nga shagu na na wa Chyoi Pra Ai Hkum a man de akyu hpyi ai. Lani mi hta Chyoi Pra Hkum a man de akyu hpyi nga yang, nawku tawn n tsa e noi nga ai Yesu gaw, shamu wa nna, Thomas e nang Nye a lam hpe a tsawm sha ka da nit dai, hpa chyeju ra nta? ngu san ai. Thomas gaw, Madu e nang Madu hpe madu lu na chyeju ra n ngai ngu htan wu ai.
AD 1274 ning hta Lyons mare na zuphpwng de sa wa nga yang lam lapran e machyi kaba hkrum nna, March 7 ya shi a asak 47 ning hta si mat wa sai. Sarabyin Leo XIII a prat hta San Thomas hpe hpaji sharin ya nga ai ni hpe makawp maga ya ai San Pra ai masha dang da sai.
