Duties of believers

NAWKU HPUNG MASHA NI A LIT MAGAM

 Kamsham ai hpung masha ni a madung lit (4)

1. Nawku hpung hpe tsawra ai & hkungga lara ai

2. Nawku hpung hta ap nawng daw jau ai

3. Saradaw, Jau ni & shanhte hte rau bungli galaw ai ni hpe arung arai, alu madi shadaw ai  

 4. Sasana magam hta jawm galaw ai lam

1. Nawku hpung hpe tsawra ai & hkungga lara ai. Nawku hpung hpe tsawra ai ngu ai gaw shi a sung htum ai hkum hkrang hku nna shi hta nga nga ai Hkristu hpe tsawra ai lam rai nga ai. Chyeju dum ai tsawra myit & hkungga lara ai myit. Kashin kamun a marang e asak hkrung lam a kumhpa hpe lu la ai. Shi makam masham prat hpe rawt jat galu kaba wa hkra shi a yu lanu lahku ai lam, Matsan mayan, machyi makaw hkrum ai ni, matsan mayan ni rai nga ai.

• Nawku hpung hta hpa majaw ap nawng ra ai kun? Hkristu kaw nna ahkang aya lu ai Makam masham & arawn alai hte seng ai lam ni hta kasi kaja madun matu matu san da hkrum ga ai “Nanhte a ga madat ai wa gaw ngai hpe madat mara nga ai, nanhte hpe ningdang kau ai wa gaw ngai hpe ningdang kau ai” (Lk 10:16). “Ga ntsa e nanhte gyit da ai hpa gaw, sumsing lamu hta mung gyit da hkrum na ra ai, & ga ntsa e nanhte raw kau ai hpa gaw, sumsing lamu hta mung raw kau hkrum na ra ai.” (Mt 18:18).

Nawku hpung a magam gun ni gaw, shanhte a laksan hkyen lajang ai lam & shanhte hpe ap ya ai lit a majaw, Hkristan makam masham, nawku htung  & akyang lailen ni hta laksan ahkaw ahkang lu ma ai. Ndai lam gaw, maga mi de, Nawku hpung a magam gun ni hpe, kam sham ai hpung masha ni a matu lit la ra ai lit ni hpe ap ya nga ai. Maga mi de, Hkristanhpung masha ni hpe sharin achyin ai lam & lam madun ai lam ni hpe hkan sa na matu lit jaw da hkrum nga ai.

• Saradaw, Jau ni & magam bungli galaw ni a matu arung arai, lu sha garum jaw ai

Hpa majaw tara rap ra ai shabrai hkam la na matu ging dan ai kun? Hpa majaw nga yang, nawku htung & wenyi lam a matu ap nawng ai majaw re. “Bungli galaw ai wa gaw shi a shabrai lu ging ai.” (Lk 10: 7) “Kabu Gara Shiga hkaw dan ai ni gaw, dai Kabu Gara Shiga a marang e lusha nga mu ga, nga nna Madu hkang da nu ai.” (1 kor 9:14) Karai Kasang hpe nawku daw jau ai, sasana magam gun ni hpe karum shingtau ai magam bungli a matu. “ Hkristu a hpang hkan ai ni  gaw Nawku hpung a ra kadawn ai lam ni hpe madi shadaw ya na lit nga ai, dai majaw Nawku hpung gaw Karai Kasang hpe nawku daw jau na matu, shi a kasa ni gaw  gingdan ai madi shadaw lam  ra kadawn ai lam hpe shi hta hkam la mai ai (CIC 222…) Hkinjawng agyi ni hpe garum shingtau ai ni hpe mung garan jaw ai (PO 20)

4. Apostolic appointed or all Nawku hpung masha ni gaw shi a hkye hkrang la ai magam bungli hta shang lawm na lit nga ai.“Kaja wa nga yang, Madu a kaba dik ai hkang da ai ga rai nga ai tsawra myit a tara gaw, kam sham ai ni yawng hpe Shi a Mungdan hpe chyam bra shangun nna Karai Kasang a hpung shingkang hpe shagrau sha-a na matu & Shi hpe shangun dat ai Yesu Hkristu hpe chye chyang ai hta lawm ai htani htana asak hpe shinggyim masha yawng a matu lu la na matu shadut ya nga ai.” (AA.3) Hkristan ni yawng gaw ndai bungli a matukashin kamun & n-gun hkam la ai marang e hkang da hkrum sai.Lay masha ni gaw shanhte a jau ni hpe akyu hpyi ai lam & amu bungli galaw ai hku nna garum shingtau ra ai. Hpung kahkyin gumdin lam (UR 5).