Daini na Ja Chyum Mungga hpe hti sumru yu ai shaloi e, Pyengding ga shadawn hte Hpring zup ai shadawn shadang lang ra ai lam ni hpe na chye lu ga ai. Nli gat ai ga shadawn a tsun mayu ai gaw, sumsing mungdan hte seng ai mai kaja ai lai kyang ni anhte a prat hta tu kaba wa na ra nga ai lam hpe yaw shada ai. Dai mai kaja ai lam ni hpe tinang a matu chyu sha kyem da ai n rai, tinang hte ni htep ai ni hpe garan ya ai. Dai mai kaja ai lam ni gaw law ai hta law jat wa hkra grau grau htoi tu kabrim wa hkra shakut sa nga ga.

 Ngwi pyaw ai, nga mu nga mai ai, sim sa ai, jet ai tsawra myit kaja ni prut pru wa nna, sumsing mungdan hpe ndai mungkan ntsa hta e anhte nang ngai yawng gaw gap sa wa ai ni mung rai nga mali ai re. Dai re majaw shiga madat nu wa ni yawng hte e, tinang kaw nga ai mai kaja ai lam ni, atsam marai ni, ahkying aten ni hpe sharawng shara re ai  myit ni hte daw jau ap nawng sa ai lam ni gaw, sumsing mungdan hpe n dai dinghta ga ntsa kaw nan, gaw gap sa nga ai ni re ai ngu tinang hkum tinang arawng la mai nga ai.