Daini na Madu a kabu gara shiga gaw Luka laika 9:22-25 hta na rai nga ai.

Hkristan ni a hkrun lam gaw Udang hkrun lam re. Udang hpe tsawra ra ai hkrun lam re. Udang ngu gaw hpa rai ta? Yak hkak ai lam rai nga ai. Anhte yawng yak hkak ai lam nga ai hkrai rai nga ga ai. Dai yak hkak lam hpe koi yen kau nmai nga ai. Tawt lai ra ga ai.

Madu Yesu sharin ya ai mung dai udang hpe koi yen na matu n rai. Tsawra ai hte hkap hpai na matu she sharin ya nga ai.

Yesu a hpang hkan ai mayu ai wa kadai raitim tinang a tinggyeng myit hpe ndang nyet kau let udang hpe hpai ra nga ai.

Udang lam hpe ndang nyet ai wa gaw htani htana asak hpe ndang nyet kau ai wa re.

Yesu saw shaga nga ai gaw shani shagu na tinang a udang hpe hpai shangun ai she re. Laning mi tup na udang hpe lani mi hte sha hpai shangun ai nre. Lani mi na udang hpe lani mi hpai na matu sha saw shaga nga ai.

Udang hpe tsawra chye hkra shakut hkawm sa wa ga.