Daini na hti ang ai Madu a Kabu gara shiga gaw Mahte a laika 9:14-15hta na rai nga ai.

Anhte Hparishe ni gaw, lusha gam gam di ga ai; na a sape ni mahtang hpa majaw lusha n gam ma ta?

Lusha Gam ai ladaw hta lusha gaw grai gam nna myit masin kata hta n hkru n kaja ai lam law wa ai nga yang tinang galaw nga ai lusha gam ai lam gaw kaman lila sha rai nga ai. Ntsa lam galaw dan nna tinang galaw ai lam hpe manang wa hte shingdaw wa sai nga yang dai mai kaja lam gaw kaman li la sha rai nga ai.

Lusha gam ai hte chyu sha n ram ai. Myit masin kraw lawang kata pru wa ai n hkru n kaja ai lam ni hpe mung koi gam na ahkyak nga ai.

Madu Yesu anhte hpe mai kaja ai magam bungli galaw na matu saw shaga nga ai. Masha a man hta ntsa lam shakawng shakat rai dan na matu saw shaga ai n re.

Shinggyim masha re ai majaw dai zawn re myit masa ni kalang lang anhte hta myit mang wa chye ai re. Dai lam ni hpe koi yen lu hkra ndai lu sha gam ai ladaw hta shakut hkawm sa wa ga.