Wa Sarabyin Leo XIV gaw, Feruary 4 shani na general Audience hta, Kahtawlik hpung masha ni hpe Chyum Laika hte shinggyim masha ni a prat masa hta hkan nna hti sumru nna htawn tsun na matu tsun shadut da ai. fundamentalist (sh) wenyi lam hpe hkan sa ai hku lachyum shaleng ai lam ni byin wa yang, Chyum Laika a tengman ai lachyum hpe galai shai kau ya lu ai ngu sadi jaw da ai. ‘Dei Verbum’ hte seng nna shi a catechesis sharin ai lam hpe matut nna, Chyoi Pra ai Chyum Laika gaw, Karai Kasang gaw prat shagu na shi a amyu masha ni hpe tsawra myit hte hku hkau lam a majaw, shinggyim masha ni a ga hku tsun shaga na ahkaw ahkang lu ai hkrum zup shara re ai hpe ahkyak shatai tsun dan ai.
Karai Kasang gaw labau, hkring htawng hte htunghking, laika ni hku nna hkrang shapraw da ai shinggyim ga si ni hku nna shi hkum shi hpaw shadan dan na matu lata la ai. Dai majaw hkrak ai, jaw ai hku lachyum shaleng ai shaloi ndai lam ni hpe ahkyak la ra ai lam Wa Sarabyin sang lang dan ai. Chyum Laika hpe labau a tengman ai lam hte garan ginhka ai gaw, shi a mungga hte yaw shada lam lahkawng yan hpe chye na shut na masa lam ni nga wa chye ai.
Shi gaw ndai npawt tara hpe daini na Nawku hpung a Mungga hkaw tsun ai lam hta jai lang nna, Chyum Laika hpe shinggyim masha ni a tengman ai lam ni hte matut mahkai ai lam n nga ai, prat masa hpe chye na hkap la ai hku hkaw tsun ai n rai yang, akyu n nga lachyum n pru mat na re ngu sadi jaw ai. Nawku hpung gaw prat shagu hta Karai Kasang a mungga hte sak hkrung lai wa ai zawn dai ni na prat hpe mung tsun, sharin shaga lu na matu shaga la hkrum nga ai—grau nna, shani shagu na dawdan lam ni hte mayak mahkak ni, nawku daw jau ai lam ni hpe nhtoi jaw ya lu ra ai.
Wa Sarabyin Leo gaw, Chyum Laika gaw makam masham hte tsawra myit hpe bau maka ya ai rai nna, shinggyim wuhpawng (sh) shinggyim nauna lam hte seng ai shiga hku nna n mai shayawm kau ai lam hpe madi madun da nga ai. Yesu Hkristu hta Karai Kasang jaw ya ai hkum tsup ai asak hpe kabu gara ai hte ndau shabra ai lam rai nga ai. Karai Kasang a mungga kumhpa hpe chyeju dum na matu hte anhte a ga hte sak hkrung lam hta dai mungga hkaw tsun ai tsawra myit hpe madun dan na matu kam sham ai hpung masha ni hpe saw shaga da nga ai.