Daini na hti ang Madu a kabu gara shiga gaw Mathe laika 7:7-12 hta na rai nga ai.
Hpyi mu: Anhte hta ra ai lam hpe grit nem ai myit hte hpyi chye ra ai
Tam mu: Akyu hpyi ai hte sha n ram ai Karai Kasang a myit ra ai lam hpe tinang a tatut prat hta tam chye ra ai.
Akawk mu: Yak hkak ai lapran hta ngang kang ai makam masham hte shakut hkawm sa chye ra ai.
Ga si ndai ni gaw anhte a prat hta kalang sha hkan sa shangun ai n rai. Ding yang shakut nga ra ai re.
Sumsing lamu na Kawa hte dinghta ga na Kawa a tsawra myit hte shing daw da nga ai. Dinghta ga Kawa pyi n kum zup tim tinang a kashu kasha ni hpe muk a malai nlung nga a malai lapu kadai njaw nga ai. Dai majaw shadawn nlu ai sumsing a Kawa gaw dai hta grau kaja ai njaw na lam nnga ai. Kalang lang anhte hpyi ai lam nlu ai lam gaw Karai Kasang shi nkam jaw na nre ai sha anhte a matu grau kaja ai hpe lajang ai majaw rai nga ai.
Makam hte hpyi ga
Makam hte akawk ga
Makam hte tam ga.