Wa Sarabyin Francis gaw shani ka’ang na lamu kasa akyu hpyi lamang ngut ai hpang Sinpraw ka’ang na mungdan ni hta gasat gala jahkring na matu,bawng dung hkrum nga ai masha ni hpe lawan lawt na ahkang jaw na matu hte shinggyim nau na myit hte ra kadawn nga ai ni hpe karum ningtum galaw na matu hpyi lajin lai wa ai.
Wa Sarabyin Francis Sinpraw ka’ang daw hta byin nga ai gasat gala jahkring na matu hte gau ngwi ngwi rai grau kaba wa ai majan n byin na matu tsun shadum ai lam hpe lai wa sai laban ya shani Vaticant hta Missa nawku dawjau lamang e hpyi lajin tsun lai wa ai.
San Peter shawa pa kaba hta sa du akyu hpyi shang lawmt let hpawng chyawm nga ai hkying lam re ai kam sham ai hpung masha ni hpe shani ka’ang na Angelus akyu hpyi lamang ngut ai hpang ,Wa Sarabyin gaw shi a myit maju jung nga ai Chyoi Pra ai lamu ga, Holy Land kaw byin nga ai majan lam maga de gabaw gayin tsun lai wa ai.
Bawng masha ni hpe shalawt dat na ahkang jaw na matu hpyi lajin ai lam
Wa Sarabyin Francis kawn hpawt de gaw, ‘Dawsa ai ni kawn Israel masha ni hpe htim gasat ninghtan ai laning mi hpring sai hpe bai myit dum ai lam hpe tsun lai wa ai
Dai ni law malawng gaw mara n kap ai mung masha ni re, dai masha ni yawng gaw shanhte hta ra kadawn nga ai shinggyim nau na myit hpe hkam la gying nga ai.
“Gaza kaw ya du hkra naw nga ai law la ai bawng masha ni hpe n malap kau ga, ngam nga ai ni yawng hpe lawan dik shalawt dat na ahkang na matu Wa Sarabyin Francis hpyi lajin ai lam tsun lai wa ai.
Gaza hta shinggyim nau na myit hte karum shingtau na matu
Wa Sarabyin Francis gaw machyi kaba hkrum sha nga ai Gaza mung na masha ni hte kaga ginra na mung Masha ni a lam bai tsun lai wa ai.
Ndai ni law malawng gaw mara n nga ai mung masha ni re,ndai ni yawng gaw shanhte hta ra kadawn nga ai shinggyim nau na myit hpe hkam la gying nga ai nga nna tsun lai wa ai.
Gasat gala lawan jahkring na lam
Wa Sarabyin Francis gaw gasat gala lawan jahkring na matu masha yawng a man e, Lebanon mung na kam sham ai ni yawng mung shi hte rau akyu hpyi shang lawm ya na matu saw shaga lai wa ai. Lebanon mung masha ni, a lak mi shanhte a buga na pru mat wa sai dingda de na buga masha ni a matu, buga ginra na shagyeng sha hkrum nna pru mat wa ra ai buga masha ni a matu saw shaga lai wa ai.
Mungdan ga daga hte seng ai uhpung ni hpang de, Wa Sarabyin matut nna hpyi shawn ai gaw matai htang ai hkrang hpe jahkring kau na matu hte Iran kaw byin lai wa sai ninghtoi nkau mi na gasat gala zawn, matut nna gasat gala ai lam hpe jahkring na matu, hte majan ni grau sawng wa nna dai shara na ginra ni maja hkrat chye ai lam tsun lai wa ai.
Masha yawng hpe Wa Sarabyin tsun ai ga shanhte hta mung simsa lam hte shimlum lam a matu ahkaw ahkang nga ai, bai nna shanhte a lamu ga ni gaw gasat gala hkrum ai shing nrai buga ginra hpe hpyen shang htim ai lam ni n mai galaw nga ai, Awng dawm daru magam lu ai ni mung hkungga lara ai hte pahkam hkam nna simsa lam a matu shada da bawngban ai lam galaw ra ai,n-ju n-dawng ai myit ni hte gasat shamyit ai lam hku n mai rai nga ai.
Simsa lam a matu Rosary hti ,akyu hpyi ai hte lusha gam na lam
Ndai daw hta gaw,Wa Sarabyin bai shabai ai lam hta nau n-na ai ninghtoi hta Roma de sa nna Marian Basilica na Santa Maria Maggiore de sim sa lam a matu Rosary hti akyu hpyi sa wa na rai nga ai.
Lai wa sai bat masum ya shani, num daw lahkawng hku nna Kahtawlik nawku hpung ting hte seng ai rapdaw zuphpawng kaba hpaw hpang Missa hkungga hta, Wa Sarabyin kawn October 7 ya Shani gaw mungkan ting simsa lam a matu lusha gam ai hte akyu hpyi na nhtoi shani hku na ndau shana tsun lai wa ai.
Dai akyu hpyi ai lam hta kam sham ai hpung masha ni hpe shi hte rau akyu hpyi shang lawm na matu n gun jaw ga tsun let ya na zawn laja Lana byin nga ai majan hpe mai kaja ai n gun atsam ni hte ninghkap na matu myit hkrum nga ga nga nna tsun lai wa ai.
Jahtum hta, ginjaw Vaticant hta December 8 ya shani Wa Saradaw kaba n-nan ni hte nnan hpaw hpang sa wa na lam ntsun shapraw shi yang,Wa Sarabyin Francis kawn shingra maka a myu myu a majaw tsin-yam tsindam hkrum sha nga ai ni yawng hpe shanhte hte rau langai sha rai nga ai lam tsun Lai wa ai.
Ngai a ni sha nga nga ai;
Wa Sarabyin gaw ‘ Bosnia hte Herzegovina hta hka kaba ai a majaw tsin-yam tsindam hkrum sha nga ai ni hpe “ngai nanhte hte maren rai hkam sha nga ai” ngu nna n-gun jaw tsun lai wa ai.
Wa Sarabyin Francis kawn, Ngai Bosnia hte Herzegovina hta hka kaba ai majaw mayak mang hkang hkrum ai ni yawng hte ani sha rau rai nga nngai. Kawa Karai Kasang gaw ndai mayak mahkang ni hpe jahkoi kau ya nna nanhte nta masha ni hpe myit shalan ya u ga hte ngam nga ai uhpung ni hpe mung n-gun ban ya nga u ga ngu nna shaman akyu hpyi ya let ga hpum dim da tsun lai wa ai ai.
