(NU MARIA HPE MAHTAN LA AI WA: TSA BAN 1)
Nu Maria hpe mahtan la ai wa, Madu Yesu hpe bau kaba ya ai San pra ai Joseph gaw, Dawi Hkawhkam a htinggaw kaw na rai nga ai. (Matt 1:1-16). Nu Maria hpe shi mahtan la ai aten hta, shi gaw Nasaret mare kaw laksama bungli galaw nga wu ai. Mahtan da ai aten hta Nu Maria ma hkum rai wa ai shaloi Joseph gaw, Nu maria hpe asim sha shabai kau na daw dan ai. Shanhte a htung tara labau nga ai hte maren, Joseph gaw Maria hpe hkungran la na matu tsawra ai ni law law nga ai hta na, shi hpe sha lata la ai hkrum nu ai. Hpa majaw nga yang e, shi lang ai dawhkrawng kaw na Hkyen n sam nam pan ni pu wa ai majaw rai nga ai.
Nu Maria mung Joseph hte mahtan da ai shaning e sha Na-um na sin byin wa sai. Grai dingman si mani ai Joseph gaw, dai mabyin ni hpe chye ai majaw, masha a man kaw kaya kahpa tai nna sat kau nhkrum na matu, a sim sha shabai kau na maw nga ai. Dinghku la n lu ai sha ma shangai wa ai amyu shayi hpe kaya kahpa jahkrum nna, mara shagun ai hpang sat kau ai Yuda htung nga ai. Shaloi Joseph myit aru yu nga yang, lana mi hta yup manng kaw lamu kasa langai mi gaw: “Joseph e, Maria hpe ma kanu hku la u;
kaning rai nme law Chyoi Pra Ai Wenyi a atsam hte Maria gaw ma hkum hte rai nga sai.” (Mat 2: 20-21) hta ning nga n na yup mang kaw shi hpe sa tsun ai. Joseph mung lamu kasa matsun ai ga hpe madat mara let, Maria hpe shi a nta de woi wa mat ai. Maria gaw hkyela madu Mesia hpe shangai ai. Dai hpang lamu kasa gaw, Joseph hpe yup mang hta “ma hte shi a kanu hpe Ijip (snr) Egutu mung de woi sa mat u…. Shi hpe Herod hkawhkam sat shamyit kau maw nga ai.” (Mat 2:13) nga nna shadut matsun dat nu ai.
Herod hkawhkam si mat ai hpang Joseph gaw, ma yan nu hpe Nazaret mare de bai woi wa ai. Joseph a lam woi sharin matsun ai hte maren, Ma Yesu gaw machye machyang hte shaman chyeju ni hta lani hte lani law jat wa sai; yu maya bungli rai nga ai laksama bungli hpe mung sharin chye la nu ai. (Mat 13:55) San Pra ai Joseph hpe “Kaja ai hku si lu na matu Laksan Kam Shamyet lu ai. San Pra ai wa” Patron of a Good Death, nga nna masat da nga ga ai. Shi gaw Nu Maria hte Madu Yesu a lata hta ngwi ngwi pyaw pyaw myit sim myit sa rai nsa hti mat ai.
Shi a si ai nhtoi hpe Madu Yesu tara garai nhkaw hkawm ai ten, March shata 19 ya ngu nna masat hkrat wa ga ai. San Pra ai Joseph hpe “Hkawnsek ni hpe makawp maga ai wa” Protector of Virginity, nga nna mung, shingteng amying jaw let kam shamyet nga ga ai. Dai gaw San Pra ai Joseph gaw shi a sakhkrung prat tup, Karai Kasang a Kanu, Nu Maria a Sakhkrung tup hta e, makawp maga let hkungga ya lai wa ai majaw rai nga ai.
Bai nna shi hpe “Nawku Hpung Ting Kam Shamyet ai San Pra ai Masha” Patron of the Universal Church, nga nna mung masat let kam shamyet nga ga ai. San Pra ai Joseph kaw garum hpyi ai ni kaman lila kadai mung n byin yu ai. San pra ai Joseph a mying hpe gang n na, shi hpe kam hpa ai ni yawng hpe, tut nawng bau sin ya nga ai wa nan re.
