Chyum laika hta lawm ai Yesu a ga ni hpe hkungga lara ai hte hti ai shaloi, Madu nang hpe tsun shaga na ahkang jaw ai lam rai nga ai. Bai nna ndai hkrum zup ai lam gaw nang hpe galai shai ya nna, na a prat hta kaja ai akyu hpe shabyin ya na re. Na a prat hta n-nan bai byin wa na rai nna, lachyum nnan, yaw shada lam nnan lu ai prat hpe nang sak hkrung lu na re.

Yesu hpe rim la na ngu ai sin langa ni gaw, Yesu tsun ai ga hte nan, akajawng sha myit malai lu ma ai. Shingrai shanhte a lit magam hpe n lu gun hpai lu ma ai, de a malai Yesu a hpang makoi magap hkan nang hkan sa ai ni tai wa ma ai. Ndai gaw nang hti hpang ai aten kaw nna Yesu a ga a makoi magap da ai lam kaba rai nga ai. Shi a ga hpe chyum laika hta hkungga lara ai hte hti yu nna, nang hta gara hku ru jung wa na, nang hpe gara hku galai shai shangun na hpe myit yu u. Anhte hti nna myit sumru yu na matu shakut yang, Yesu a ga hta n-gun atsam rawng nga ai.

dai ni chyum laika hta Shi a mungga hpe hti na aten naw nga ai kun? Daini anhte a aten hpe gara hku lu sha na ngu ai myit tsang lam ni hte zing madu da nga ai. Anhte a grup yin hta hpa byin nga ai hpe n sawn ai sha ndai arawng lu ai magam bungli a matu aten hpe anhte san da ra ai. Hpa majaw nga yang Yesu hte tinang hkrai hkrum zup lu na matu anhte a ticket rai nna, anhte a grup yin na n teng n man ai lam ni a lapran hta simsa lam lu la na matu mung ticket rai nga ai.

Yesu a ga hpe shawng ningnan lang hti na (sh) n’hti ai aten na sai rai yang hpa n’ra ai. Hpa majaw nga yang, Chyoi Pra ai Wenyi gaw na a myit masin hpe hpaw ya nna, dai lam hku hkawm sa na matu galoi mung nga nga na re. Chyum laika hpe aten loi mi hti ngut ai hpang na a prat hta kaja ai galai shai lam hpe mu lu na re.