HTAI YA AI WA – Wa Jau Dr. Joseph Gawlu Yung Wa

GA SAN- Kahtawlik Num- sha hte Hka Lup Hpung La-sha ding hku de na rai yang, Nawku Hpung lahkawng maga de hkungran Sakramentu hkam la yang mai kun?

Htai: Kahtawlik Hpung masha ni Hkungran Sakramentu hpe hkam la ai shaloi, tinang a Jau hte hkungran hkam la ai gaw kaja dik rai nga ai.

Hka Lup Hpung kaw Hpung Up wa hte mung hkungran, bai kalang, Kahtawlik Hpung kaw mung Jau hte bai hkungran gaw n mai ai. Shara mi kaw hkungran yang ram sai (Sakramentu awng sai).

Kahtawlik num/la, Hka Lup Hpung kaw Hpung up wa e hkungran ya ai hpe hkam la na rai yang, tinang a Ginwang Up Jau hte jahkrup la nna, Sasana Saradaw (local Ordinary) kaw na ahkaw ahkang hpyi ra ai.
Tinang a Kahtawlik makam masham hta sadi dung nga na lam, kashu kasha ni hpe Kahtawlik makam masham htung tara hte maren sharin shaga bau kaba na ngu ai ga-sadi tawn da ra ai.

SAN AI WA- Mungji Jau Ginwang Sumbwi mare hta shanu nga lai wa nna, ya, kanbau bungli a majaw Miwa Gumsan mung, Shwili kaw du taw nga Jan Kareng Hkawn