Daini na Ja Chyum Mungga hpe hti sumru yu ai shaloi e, Yuda masha ni a htingnu poi laman e Yesu gaw shi Karai Kasang a kasha rai nga ai hpe sakse madun ai lam na lu ga ai. Daini na chyum mungga hta e, Madu Yesu hpe kam sham ai ni hte n lu hkap la nna, nlung hte kabai na matu shakut taw nga ai ni nga nna, hka garan taw ai wuhpung lahkawng nga nga ma ai. Madu Yesu a galaw sa wa ai lam mahkra gaw, Karai Kasang hte, ni htep nna, yawng gaw langai sha rai taw nga ai majaw, mau hpa lamik kumla hpung dagu madun lu ai gaw teng sha rai nga ai.
Raitim mung Yuda masha ni a Baw ja ai lam ni, tengman ai lam hpe n lu hkap la ai lam ni mahkra gaw, Madu Yesu hpe sat na matu shakut nga ma ai. Raitim Madu Yesu gaw dai lam ni hpe n hkrit n tsang ai sha, tinang a kaja wa byin ai lam ni hpe gwi gwi sha tsun shapraw nga ai. Anhte a matu ndai mungkan ga de yu sa wa nna, shi a mabyin lam ni hpe tup hkrak tsun dan ai Madu Yesu gaw, kawa Karai Kasang hte shi a rau nga ai lam, bai Kawa Karai Kasang mung shi hte rau rai nga ai lam hpe sakse hkam ai Madu Yesu hpe tup hkrak kam sham nga ai. Shingrai, Anhte kaw Madu Karai nga ai hpe mu mada hkamsha let tinang a makau gyup yin de e sakse hkam nga ga law.
