HTAI YA AI WA –    WA JAU DR.JOSEPH GAWLU YUNG WA

GA SAN –  Si mat wa sai ni a matu akyu hpyi ya ai November praw 2 hte Shata mi tup masat ya ai gaw kadai San Pra ai wa a labau a majaw kun?

Htai: Nawku Hpung hku nna si mat was ai ni a matu akyu hpyi ya ai lailen hpe Nawku Hpung labau nnan daw kaw na lang wa sai; raitim, Hpung ting hkan na matu nhtoi langai mi hpe jawm masat da ai ngu ai n nga ai.

Madu a Shaning 998 daram hta France Mungdan, Cluny Jau ni a jawng na Jau kaba San pra ai Odilo kaw nna hpang was ai.  San Pra ai ni yawng a Poi hpe November 1 ya shani galaw ai re majaw, hpang shani November 2 ya hpe si mat sai ni yawng a poi galaw na matu dasang lata ai rai wu ai.  November 1 ya shani hta -sumsing mungdan de awng padang hte shang wa sai san pra ai ni hpe hkungga shagrau ai zawn, November 2 ya shani hta gaw- Ngarai mung kaji hta Karai Kasang a tsawra matsan dum ai hte naw jaseng jaseng, shakup shatsup la nga ai wenyi ni a matu akyu hpyi garum ya ai gaw htap htuk ai lam rai nga ai, ng anna sawn la ai majaw rai nga ai.

SAN AI WA – Munggu Jau Ginwang, Hpawng Seng U Rawng, Man Pying mare hta shanu nga ai Jan Monica Lashi Hkawn Num san dat ai lam hta