22 April, Wed
Yawhan 6:35-40
daini na Ja Chyum Mungga hpe hti sum ru yu ai shaloi e, Ngai hpe shangun dat ai wa a myit ra ai hku hkan na yu sa wa ai lam hpe na lu ga ai. Yesu Karai gaw, myit garen gari ai, matsan jam jau ai ni a hkum hkrang hte wenyi a matu, jahkum shazup ya ai A sak muk nan rai nga ai. Madu Yesu gaw, anhte wenyi a matu ning gun ningpawt nan rai nga ai. Anhte a matu chyeju hte matsan dum lam madun ya ai wa rai n na, machyi ai ningma ni hpe tsi lajang ya n na, Htani Htana A sak jaw ya lu ai wa nan re. Kasa ni zawn, Madu Yesu a tengman ai dinghpring ai hte a grin nga ai hpe n chye madat ai ni zawn n re ga.
Anhte a myit salum ni hpe hpaw da n na, Madu Karai a mau hpa namik kumla hte Madu Yesu a masha sa tai lam, tsawra ai, matsan dum lama ai lam, apnawng daw jau lam ni hpe mu mada hkam sha chye na matu rai nga ai. Shingrai anhte a prat hta hkam la sai tsi tsi hkam la sai lam ni hte mu mada hkam sha lu ai mau hpa hpung dagu ni hpe bai dum shingran let, chyeju dum ra nga ga ai.
Anhte shang lawm lu ai Missa Hkungga shagu hta, A sak a Muk rai nga ai Madu Yesu hpe hkam sha hkrum katut let, grau n na, Madu Yesu a tengman ai tara, tsawra myit hte anhte a masin salum hta hpring zup na matu, tut nawng e Madu Yesu kaw sit sa let, nang ngai shani shagu hpyi nem la ga law.
