24 April, Fri
Yawhan 6:52-59
Daini na Ja Chyum Mungga hpe hti sum ru yu ai shaloi e, Muk N dai gaw Sumsing lamu de na yu wa ai ahkrung nga ai Muk rai nga ai lam na chye lu ga ai. N dai kabu gara shiga hta e, Yesu Hkristu tsun ai Ngai gaw A sak muk rai nga n ngai. N dai Muk hpe sha ai ni yawng gaw Htani Htana a sak hkrung nga na lam ja ja tsun da nga ai. A sak jaw ai Muk rai nga ai Chyoi pra Hkum Skramentu gaw, Madu Yesu hta kahkyin gumding nga ai. Dai majaw, anhte hpe htani htana a sak jaw ya lu ai re. N dai Muk gaw, mungkan hta na malu masha ni hta lak lai nga ai. Hpa majaw nga yang n dai Muk gaw, kam sham lam hku n na, Madu Yesu a mung sung lam hta lawm nga majaw re.
Shingrai Madu Yesu a Chyoi pra Muk hku n na, shi a hkum hpe hkumzup hkra jaw ya ai kaba dik ai hkam sharang ai magam lam ni hpe anhte chye madat ra nga ga ai. N dai lam gaw tsawra myit a sak se kaba nan rai nga ai. Anhte marai hkum shagu mung dai tsawra myit sat lawat a mabyin lam hpe kaga ni hpe bai gam garan ya na hpe saw shaga la hkrum ai ni rai nga ga ai. Shingrai shiga madat nu wa hpu nau ni e, N dai Chyoi pra hkum kaw e, Madu Yesu teng sha rawng nga ai majaw mung, mau hpa lamik kum la ni law law byin taw nga sai re. Anhte mung teng sha manu shadan kam hpa myit manoi manat ai hte, Chyoi pra ai Hkum hpe hkam la nga ga. Anhte a prat hta e mung, Mau hpa lamik kum la ni Madu Karai shadan shadawng byin pru wa na re.
