Wa sarabyin a Kasa Hkrun Lam a hpang jahtum daw hta, Equatorial Guinea de sa du nna, Mongomo hte Bata mare kaba ni hta hkring sa ai shara kaba masum ni hta myit mada lam hte ai mungga ni hpe tsun ng-gun jaw lai wa ai.
Sa du kawan ai lam hta na ahkyak ai lam n kau mi
Mongomo Nawku Htingnu hta Missa hkungga nawng ya ai: Wa Sarabyin Leo gaw Africa dan hta lahkawng ngu na kaba dik ai Nawku Htingnu rai nga ai, Immaculate Conception Nawku Htingnu hta Missa hkungga nawng jau ya ai. Mungdan a galu kaba ai shingra sutgan ni the seng nna tsun shaga ai shaloi, Equatorial Guinea a sau sutgan gaw nkau mi a matu sha n rai, “yawng a matu shaman chyeju” byin tai wa hkra, tara ai, jaw tengman ai hku jai lang ra ai lam hpe ningbaw ningla ni hte mung shawa ni hpe tsun shadut lai wa ai.
Htawng masha ni hpe tsun n-gun jaw ai munngga: Bata mare hta grai sawng ai masa lam ni a majaw mying gumhkawng ai shara langai mi de sa du kawan let, Wa Sarabyin gaw htawng masha ni hte hkrum shaga nna, wenyi makam masham lam hta madi shadaw ya ai lam galaw lai wa ai. Shi gaw “Karai Kasang a tsawra myit kaw na kadai mung n lawt ai,” ngu ai hpe ahkyak shatai nna, bawng masha ni hpe shut ai lam (sh) tsin-yam tsindam hkrum ai raitim manu dan ai hku naw nga nga ai hpe shadum ya ai.
Marang hprang kata na Ramma hpawng: Dai shani hpe Bata mare na gawdin ginsup pa hta, wan hku law ai ramma ni zuphpawng nga ma ai. Nbung laru kaba the marang htu tim, shawa masha ni gaw matut nna ka manawt let mahkawn hkawn nga ma ai. Wa Sarabyin gaw shanhte a n-gun atsam hpe shakawn shagrau let, shanhte a myi hta na nhtoi hpe ginsup pa kata na “htoi tu kabrim dik ai nhtoi” ngu nna tsun let, myit hkrum kahkyin gumdin ai hpe jaw ya ai myit jasat hpe n-gun jaw ya ai lam hpe tsun shagrau ya ai.
Sa du kawan ai lam a madung Ga baw hte munnga ni
Sa du kawan ai lam hpe madung lam lahkawng hku nna lachyum shaleng da ai:
1. Active Hope (asak hkrung ai myit mada lam): Kaja ai htawm hpang prat gaw, atsam n rawng ai sha ala nga ai lam n re ai sha, karai kasang a shaman chyeju hte galaw gawgap la ra ai lam re, nga nna Wa Sarabyin ahkyak shatai tsun da nga ai.
2. Universal Inclusion (yawng ginhpawm ai lam): Jumpsuit bu hpun ai bawng masha ni kaw nna marang htu nga ai ramma ni du hkra, a matu shiga: makam masham wuhpung wuhpawng kata hta masha shagu a matu shara nga ai.