April 29, 2026
Yawhan 12:44-50
Daini na Ja Chyum Mungga hpe hti sum ru yu ai shaloi e, Yesu a sharin shaga ai lam ginchyum hpe na la lu ga ai. Dai ni na Kabu gara shi ga gaw, Kawa Karai Kasang hte Kasha Karai Kasang yan gaw, hkyik hkam ni htep ai hku jawm pawng nga ai. N dai lam hpe Kasa Yawhan tsun dan nga ai. Madu Yesu gaw, Kawa Karai Kasang a ra sharawng ai lam hpe e, Kawa Karai Kasang galaw shangun ai hte maren galaw sa nga ai.
Dai majaw Madu Yesu tsun ai gaw, Ngai hpe kam sham ai wa gaw, Ngai hpe sha kam sham ai n rai. Ngai hpe shangun dat ai wa hpe mung kam sham ai re.
Matut n na, Madu Yesu tsun ai gaw, ngai hpe kam sham ai wa gaw, ningsin hta hkawm sa na n rai. Ngai gaw mungkan a ninghtoi rai nga ai. Dai re majaw, ninghtoi hta hkawm sa ra ga ai. Ndai mungkan ga gaw, lam a myu myu hkum zup ai ningsin kata kaw nga taw ai rai nga ai.
Dai gaw namak law hpa, n ju n dawng pawt sin dawng ai. Ra marin ai, mara n lu raw ya ai. N dai ningsin hta pyaw nga ga ai. Ninghtoi rai nga ai Madu Yesu hte tsan gang chye ga ai. Madu Karai rai nga ai Ninghtoi hpe hkap la lu na ra ahkyak nga ga ai.
Dai Madu Yesu gaw, anhte a ningsin prat kaw na tawt lai n na, prat ningnan hta bai sak hkrung nga shangun mayu nga ai. Shaloi jang she Hkye hkarang la lu ai nga ga ai re.
