Daini na Ja Chyum Mungga hpe hti sum ru yu ai shaloi e, dinghta masha ni Yesu a Sape ni hpe n ju ma ai lam hpe na lu ga ai. Chyoi pra ai Wenyi Karai Kasang a lit magam hpe daini na kabu gara shiga hta mu mada lu ga ai. Ndai Chyoi pra ai wenyi gaw Madu Yesu hpe sakse hkam na ma ai. Shi a Kasa ni hpe ninggun lu na matu sha n rai. Madu Yesu a prat labau lam, si ai hta bai hkrung rawt wa ai lam ni hpe mung tsun dan na rai nga ai. Bai makam masham lam hpe mung shangang shakang ya na rai nga ai. Shada da shingjawng ai lam law ai, myit bra na lam law la ai.

Ndai masha atsam chyam ai mayak mahkak lam ni law la nga ai daini na prat hta e, Chyoi pra ai wenyi gaw anhte hpe teng man ai lam ni hta myit aru jung ya nga lu ai. Dai hta sha n ga Madu Yesu hpe kam sham ai ni anhte yawng gaw, n-gup aga hte sha n rai, ta tut magam lam ni hte myit masa lam, teng ai jaw ai lam ni hpe chye garan ginhka ai lam hta myit shatawng shada da let sakse hkam sa wa na lit kaba lu ga ai re. Anhte a myit nyan marai atsam ni hte n lu dang di lu ai jaw kaja ai prat hkrun lam hta sak hkrung nga pra sa lu na matut nang ngai yawng a masin salum ni hpe hpaw malang tawn da nna, Chyoi pra ai wenyi Karai Kasang a chyeju yu hkrat wa let, dai chyeju hte sadi dung ai ni, shi Madu a hpang hkan nang ai kaja ai prat hku sak hkrung nga sa ga law.