Daini na Ja Chyum Mungga hpe hti sum ru yu ai shaloi e, Jau daju Madu Yesu gaw, ndai Chyum laika hta e, shi akyu hpyi nga ai lam ni hpe ka da nga ai. Madu Yesu gaw daini e shi a hpung shing kang dan hkung na matu, Kasa ni hte, kam sham ai ni yawng a matu kyu hpyi ya ai hpe mu mada lu ga ai. Daini chyum laika hta, kahkyin gumdin lam, tsawra na lam, Kawa Kasha hte kam sham ai ni a lapran hta nga ai ngang kang ai matut mahkai lam ni hpe tsun da nga ai. Dai hte maren Madu Yesu shi madung ra sharawng ai lam gaw myit hkrum rap ra lam, kahkyin gumdin lam ni nan rai nga ai.

Madu Yesu shi madung ra sharawng ai lam gaw atang ahpa sha n rai. Karai Kasang a tsawra ra myit hte, tengman ai lam hta madung rai nga ai. Bai gahkyin gumdin lam nan mung a hkyak rai nga ai. Madu Yesu a kyu hpyi ai lam gaw, marai langai ngai mi a hkye hkrang la na matu chyu sha n rai. Kam sham ai ni a lapran hta nga ai tsawra lam, kahying gumdin ai hte mungkan ga gaw Karai Kasang a tsawra myit hpe chye na wa na hte Karai Kasang nga nga ai ngu ai lam hpe grau grau chye wa na matu rai nga ai. Dai zawn sha nawku hpung mung langai sha byin tai wa na matu, gahkyin gumdin lam nga na matu, Anhte yawng hta lit kaba nga ai hte maren, yawng gaw ja ja akyu hpyi ya nga ga law.