Yesu a aten hta up hkang ai hpung masha ni gaw Shi a ahkang aya a npawt nhpang hpe chye mayu ma ai. Shanhte hpa majaw chye mayu ai kun? Shanhte a power base hpe mung shawa masha ni a lapran Yesu a mying gumhkawng ai majaw jahkrit shama hkrum nga ai majaw rai kun?

Anhte a asak hkrung lam hpe jahkrit shama ai shaloi anhte gaw normal hku nna shang wa ai n-gun hpe dang kau na matu anhte a atsam kata kaw na yawng hpe galaw na re. Shang wa ai n-gun gaw teng man ai, arawng lu ai hpe galaw nga ai rai yang pyi, Anhte gaw gara hku mi rai rai, dai hpe dang kau na matu lama ma naw galaw na re.

Dai zawn re ai anhte a n kaja ai tinang hkum hpe daw jau ai akyang lailen; kadai hpe mung upstage galaw na hpe n’ra sharawng ga ai. Anhte gaw galoi mung shawng kaw nga nna, ningbaw ningla tai mayu ai, ndai gaw anhte shinggyim masha ni n-shim lum lam langai mi rai na re.

Yesu gaw kadai a ahkaw ahkang hpe mung n san jep ai sha Shi a sasana magam hpe sha galaw ai majaw n-shim lum ai lam galoi mung n nga ai. Yesu a matu ahkyak dik gaw ahkaw ahkang (sh) n-gun atsam n re ai sha shawng nnan mung shawa ni a hkam kaja lam hte akyu ara hpe madung tawn ai.

Anhte gara hku kun? Ahkaw ahkang hpe dai daram ahkyak shatai ai kun? Shing nrai, anhte gaw hpa ahkang aya hte mung n myit mada ai sha kaja ai hpe matut galaw nga ai kun?