Daini na Ja Chyum Mungga hpe hti sumru yu ai shaloi e, mungkan sutgan hpe Karai hpe zawn myit jung nga ai gaw, hkrit hpa kaba rai nga ai lam hpe na chye lu ga ai. Shinggyim masha langai mi hku nna, kaja dik rang lu ai lam gaw hpa rai a ta? Daini chyum laika hta e, tinang a matu kyem da ai lam ni gaw teng sha hkrat sum mat na rai nna, Madu jaw ya ai lam ni gaw, Madu kaw sha bai du wa na teng sha re nga tsun da nga ai. Dai majaw Madu Yesu a matu a sum hkam ai lam ni mahkra gaw, n htum n mat ai sutgan hku nna, a grin nga na re. Anhte ni yawng, lahpawt ai myit n nga ai sha ap jaw ai lam a matu, Karai Kasang gaw, htam (100) bai shaman jaw ya na teng sha re.

Raitim mung bai lu la na a kyu hpe myit mada let sak jaw ai kun? Shing n rai yang, tsawra myit san san hte ap nawng ai kun? Kasa Petru mung, shi a matu hte kaga Kasa manang ni a matu nga a san sha, yawng mayawng hpe tawn kau da nna, Madu Yesu a hpang hkan ai majaw, hpa baw akyu lu la na ta ngu ga san san dat ai re. Shaloi Madu Yesu a san sha tsun ai, shi a matu mahkra hpe ap jaw kau ai wa gaw, ndai prat hta htam latsa, hpang na prat hta e htani htana asak hpe hkam la lu na rai nga ai ngu nna, tsun dat nu ai. Shiga madat nu wa hpu nau  ni e, kaja wa sha Karai Kasang hpe sharawng shara ai myit hte ap jaw ai ni kadai wa mi rai tim, Karai Kasang gaw, shaman chyeju tut e jaw na teng sha re.