Nhtoi I (2026, June shata praw 1 ya, bat Langai Ya)
1. San Yawhan Lateran Nawku Htingnu kaba hta Chyoi Pra ai Missa Hkungga hpe (7:30 AM) hta Wa Saradaw Kaba Marco Tin Win kaw nna woi awn galaw lai wa ai.
Chyoi Pra ai Missa hkungga ngut ai hpang, Wa Saradaw ni group Photo dem la nna Santa Marta mare de bai nhtang wa ma ai. Jahpawt hkying 9:30 aten hta, Wa Saradaw Cardinal Bo woi awn ai, Jau ni a matu Dicastery de Ad Limina a shawng ningnan lang sa du gawan ai lam hpe galaw hpang lu sai. Wa Saradaw John Saw Han kaw nna, Episcopal Commission for Clergy (Jau,Saradaw) ni hte seng nna, Myanmar mung a masa lam ni hpe tang madun lai wa ai. Dai hpang bawngban ai lam nkau mi hte ningmu ni hpe tsun dan ai. Hpang jahtum hta, Cardinal Charles Bo gaw, Myanmar mung na Nawku hpung kaw nna, Jau ni a matu Dicastery a Prefect, Wa Saradaw Cardinal Lazzaro You Heung Sik hpe tsawra myit kumhpa jaw ya lai wa ai lam chye lu ai.
