Myanmar Mungdan na Wa Saradaw ni Ad Limina Visit lahkawng ya ngu na shani, Jahpawt daw hta, Santa Marta Nawku Jawng hta Chyoi Pra ai Missa hkungga hpe Wa Saradaw Felix LIan Khen Thang gaw woi awn nna, mungga hkaw tsun lai wa ai.
1. Jahpawt daw hta, Dicastery de Laity, Family and Life ( Kun dinghku prat hte seng ai) ai lamang hta wa Saradaw Lucius Hre Kung gaw, Laity, Dinghku Prat Commission hte seng nna Myanmar mung kata na Nawku hpung a masa lam hpe tang madun dan nna, jahtum e, Dicastery hpe CBCM a tsawra myit kumhpa hpe jaw ai.
2. shinggyim bawngring lam hte seng ai Dicastery de sa du gawan ai lam hta, Wa Saradaw Raymond Sum Lut Gam kaw nna Mungdan a masa lam ni hpe tang madun lai wa sai. Ga san ni hpe lam matsun the maren hte myit galu let htai ya ai, hpaji jaw ai.
3. Caritas Internationalis a Rung de sa du gawan ai lam hta Wa Saradaw ni hpe Caritas Internationalis kaw nna tsawra myit hte saw shaga ai lam galaw lai wa sai. Wa Saradaw ni hte Caritas Internationalis hpung a magam gun ni gaw dai htingnu kata hta kaja ai hte akyu lu ai zuphpawng hpe galaw la lu sai. Zuphpawng ngut ai hpang, shani shat rau jawm sha ai.
Shana maga de gaw, Makam masham sharin achyin ai lam the seng ai Dicastery de Saradaw ni sa du gawan lai wa ai. Wa Saradaw Kaba Basilio Athai kaw nna Dicastery hte seng nna Myanmar Mungdan na Nawku Hpung a masa lam ni hpe tang madun lai wa ai. Shawn wa ai ga san nkau mi hpe asan sha htai ya lu sai.
Wa Saradaw John Saw Yaw Han kaw nna Synod zuphpawng a hpang jahtum laika hpe tatut galaw sa wa na hte seng nna masa lam ni hpe tang madun lai wa ai. Shanhte a lapran na mahkrum madup ni hpe tsun dan ai. Saradaw ni hpe hpaji masa lam matsun ni hte hpunau nauna tsawra myit hpe n-gun jaw ya ai.
