Daini na Ja Chyum Mungga hpe hti sumru yu ai shaloi e, dinghta ga na jum hte ninghtoi a lam mu hti lu ga ai. Madu Yesu gaw anhte hpe mungkan a Jum hte ninghtoi rai nga ai lam sharin shaga ya nga ai. Jum gaw lu sha a nam chyim hpe shum shangun ai atsam nga ai. Ninghtoi mung htoi san ai hte myit mada lam hpe jaw ya lu nga ai. Anhte ni a galaw sa ai lam ni hte Karai Kasang hpe mu mada lu na matu, kaga masha ni hpe mai kaja ai lam ni hta akyu jaw ya lu na ladat ni hte, sak hkrung nga sa lu na matu, Yesu gaw anhte hpe hpyi shawn nga ai. Daini gaw San pra ai Ephrem a poi shani mung re.

Ndai San pra ai Ephrem gaw, shut hpyit mara lu ai masha ni a matu, ningsin kata kaw lup rawng nga ai masha ni a matu, ninghtoi langai mi tai wa ai rai nga ai. Anhte mung shani shagu na nga sa ai prat hkrun lam hta e, makau grup yin kaw nga ai ni hpe myit pyaw hpa lam hte, matsan dum lama chye ai kyang lai len ni lu madun ya ai a jaw e, mungkan ga hpe grau kaja wa hkra Jum tai nga ga. Bai anhte a makam masham hpe garan kachyan ya let, yak hkak ai aten hta myit mada lam hpe kaga masha ni hpe jaw ya lu hkra Ninghtoi tai nga ga law.