Daini na Ja Chyum Mungga hpe hti sum ru yu ai shaloi e, tengman ai sape hte mungga na nna, hkan galaw ai wa hte seng ai hpe na la lu ga ai. Madu e Madu e nga ai ni yawng sumsing mungdan shang lu na n rai. Kawa Karai Kasang a myit ra ai hpe hkan shatup ai ni chyu sha sumsing mungdan shang lu na re ai lam Madu Yesu ja ja tsun da nga ai.

Ndai chyum mungga hta e kam sham ai hte sha n hkum zup nga ai lam anhte hpe shadum ya ai. Anhte a galaw sa ai lam ni a marang e, makam masham lam hpe sak hkrung nga sa ra ga ai. Anhte a prat hta e, kaga masha ni hpe tsawra matsan dum lam ni grau grau lu madun ra ai. Bai Karai Kasang a ra sharawng ai lam hpe shadan shadawng lu sai kun? Ndai lam hpe sumru dinglik yu ra ga ai. Ngang kang ai ningpawt kaw gaw gap da ai ngu ai gaw, Akyu hpyi ai hte Karai Kasang a sharin shaga ai lam hpe madat mara ai hta anhte a ngang kang grin nga ai re. Dai zawn lu galaw ai rai yang kaning re ai mayak lam ni hpe mung shi hte rau tawt lai lu na rai nga ga ai.