Daini na Ja Chyum Mungga hpe hti sum ru yu ai shaloi e, Yesu hpe kam sham ai lam Petru tsun shapraw ai lam na chye lu ga ai. Madu Yesu gaw, shi kadai re ai hpe Kasa ni hpe san nna, Kasa Petru tsun ai gaw, asak hkrung nga ai Karai a Kasha Mesia re ai lam bai htai ya sai. Madu Yesu gaw Kasa Petru a kam sham myit hpe shangang shakang ya sai rai nga ai. Bai kasa Petru gaw, Nawku hpung hpe gaw de na lung hkrung rai nga ai lam ndau shana ya let, sumsing mungdan a zaw hpe mung ap ya sai. Ndai chyum mungga daw gaw, Madu Yesu a prat labau jaw ai hpe masat ya ai grai ahkyak ai lam hpe mung madi madun tsun dan nga ai.

Bai Nawku hpung gaw, Kasa Petru a hkap la ai hte gawgap da ai a marang e, Madu Yesu hta anhte a makam masham a ntsa, anhte a prat hpe gaw de da na matu ninggun jaw da nga ai. Shingrai anhte yawng Kasa Petru hte Paulu yan zawn nawku hpung a magam lam hta, sharawng awng ai hte shang lawm ai lam, Shi Madu a tsawra myit hte mungga ni hpe kaga masha ni hpe garan ya ai a jaw e, Madu Yesu a myit masa, matsan dum lama ai lam ni hpe mung makau grup yin hta, Kasa Petru yan Paulu zawn gwi gwi shadan shadawng ap nawng sa na matu gaw nang ngai yawng kaw lit kaba nga nga ga ai law.