Dai ni na kabu gara shiga kaw nna hpa sharin la lu na kun? Anhte a prat hta Yesu nga taw sai shaloi anhte gaw tsabyi ntsin htung nnan zawn rai nga sai hpe anhte sharin la lu ga ai. Shanhpyi nam tau nnan gaw kaja nna ngang kang nga ai. Dai hta tsabyi ntsin nnan ru bang ai shaloi, tsabyi nsa hpe hkam sharang lu ai.

Anhte a prat hta Yesu nga sai shaloi dai zawn byin wa ai. Anhte a prat hta hpa manghkang ni byin wa tim, anhte hkam sharang lu ai. Anhte a prat hta Yesu nga ai majaw kadai mung, manghkang mung kade yak hkak tim anhte hpe n jahten kau lu ai.

Anhte law malawng gaw Yesu a matu aten n lu ai majaw shi nga ai hpe hkam sha na matu grai yak nga ai. Anhte gaw Yesu hte aten n’jaw ai raitim kaga lam ni a matu aten jaw mai ai. Anhte nkau mi gaw, prat hta yak hkak ai lam law law a majaw, Yesu hte rau nga na aten nau n lu ai ngu pyi myit la na re.

Raitim, kaga lam ni a matu aten gara hku lu ai kun? Ga shadawn, hpa majaw facebook a matu hte kaga mungkan lam ni a matu aten hpe squeeze galaw lu ai kun? Anhte facebook hte kaga mungkan lam ni a matu aten lu yang. Anhte hpe asak jaw ai Yesu a matu hpa majaw aten n’lu la ai kun? Ndai gaw ya aten na anhte a dai ni na aten na paradox rai nga ai: Anhte gaw Yesu a matu aten n’lu tim kaga mungkan lam ni a matu aten hpe anhte lu ga ai.

Na a htawm hpang hte prat hpe madung tawn nna, ningmu nnan hte kaja ai ningmu lu mayu ai rai yang. Yesu hpe na a prat de shang wa shangun u ndai mungkan a lam ni hpe ra sharawng ai majaw Shi hpe na a myit masin hpe hkum pat da u. Dai gaw hpang jahtum e nang hpe grau nna yak hkak ai lam ni hte dip sha ai lam ni hta lai nna hpa mung n jaw na re.