Ndai lam hpe Wa Sarabyin Leo XIV gaw, June 29 bat lahkawng ya shani Vatican kaw nna, San Pra ai Petru hte Pawlu yan a poi nhtoi hta, Ecumenical Patriarchate a dat kasa hpung hpe hkrum shaga ai shaloi, tsun ai lam rai nga ai.
Kahkyin gumdin lam hpe saw shaga ai lam: Wa Sarabyin Leo XIV gaw, ‘Hkristu a hkye hkrang la hkrum ai shaning 2,000 ning hpring ai’ shaning 2033 ning de, Hkristan hpung yawng hpe rau jawm hkawm sa na matu, saw shaga da ai. Shi gaw ndai hpe Hkrung rawt sai Hkristu hpe sakse hkam na matu garan gachyan ai ahkaw ahkang langai hku nna myit mada nga ai.
Nicene Makam Masham A Npawt Nhpang: Nicea Mare a Shawng Nnan na Zuphpawng galaw ai shaning 1,700 ning hpring ai hpe myit sumru let, Wa Sarabyin gaw, Nicene Makam Masham gaw, “tara shang amyu bawsang amyu myu kata na kahkyin gumdin lam” hpe madun dan ai, Hkristan kahkyin gumdin lam a npawt nhpang magam re ngu ai hpe ahkyak shatai tsun shalawm da nga ai.
Simsa lam a kam mai ai kumla: Majan, garan ginhka ai lam, shinggyim wuhpawng garan ginhka ai lam ni byin nga ai aten hta, Hkristan htinglu htinglai lam gaw ahkyak ai lam Wa Sarabyin tsun da nga ai. Shi gaw, kahkyin gumdin lam n nga ai gaw, Hkristan shiga a kam hpa mai ai lam hpe sha n-ga, “shinggyim masha ni a htawm hpang prat hpe mung” jahkrit shama nga ai ngu sadi jaw ai.
Yawng (Global) the seng ai lit magam ni: Wa Sarabyin gaw, Kabu Gara Shiga gaw, dai ni na aten na mungkan mayak mahkak ni hpe hparan na matu, Hkristan ni a lapran grau nna jawm galaw na matu matsun da ai lam hpe madi madun da ai;
– Simsa lam hpe gaw gap ai
– Hpaji hparat nnan ni hpe arawn alai hte maren jai lang ai lam
– Hpan da ai lam ni hpe yu lanu lahku, makawp maga ai
– Shinggyim masha shagu a asak hte sari sadang hpe makawp maga ai lam, grau nna kaji kadun ai ni a asak hpe makawp maga ai lam ni rai nga ai.
Ndai ga shaga ai lam gaw, Kahtawlik Nawku hpung hte Constantinople mare na Hkristan Hpung lapran, rawt jat wa nga ai hku hkau lam hte shada da hkum tsup ai hku kahkyin gumdin lam hpe ra sharawng ai lam hpe grau nna n-gun shaja ya nga ai.
