Daini na Ja Chyum Mungga hpe hti sumru yu ai shaloi e, Yona a lamik kumla hpe na lu ga ai. Mungkan ntsa hta anhte sak hkrung nga ai a yaw shada ai lam gaw hpa rai nga a ta ngu ai hpe chye nga ma ni? Madu Yesu a matu gaw, Kawa Karai a hpung shingkang dan hkung na matu rai nga ai. Madu Yesu tsun ai galaw sa ai lam ni mahkra gaw, Kawa Karai a hpung shingkang dang hkung na matu rai nga ai. Shi n ni n hkri hkam la na shawng e Kasa ni a matu kyu hpyi ya ai hpe mu lu ga ai. Kawa Karai Kasang hte Kasha gaw langai sha rai nga ai zawn, Kasa ni mung langai sha rai nga na kyu hpyi ya ai hpe mu lu ga ai.

Madu Yesu kyu hpyi ya ai hta hpang jahtum langai mi gaw, Kasa ni Karai Kasang a teng man ai lam hte san seng chyoi pra ai lam hta, tinang hkum nan san seng ai hte ap nawng lu na matu rai nga ai. Shingrai madu a hpang hkan ai ni anhte yawng mung san sen ai, tenman ai hku nga sa tsun shaga nna, Madu a matu ap nawng ra nga ga ai. Chyoi pra ai wenyi mung san sen ai, teng man ding hpring ai lam a ningpawt nan rai nga ai. Dai majaw anhte yawng chyoi pra ai wenyi chyeju a marang e, tinang a hkum tinang galai gram la nna, Madu a hpang hkan nang ai kasi kaja jaw ya lu ai sakse ni tai nga lu hkra shakut sa na anhte yawng kaw lit kaba lu ga law.