Daini na Ja Chyum Mungga hpe hti sumru yu ai shaloi e, Hkungran poi ga shadawn hpe na la lu ga ai. Madu Karai Kasang gaw anhte hpe ahkaw ahkang ni jaw ya nna, shi a daw sha poi de saw shaga nga ai. Raitim anhte gaw prat hta yaw shada da ai bangdung n nga nna, jaw kaja ai lam hpe n mu lu ai. Dai lam hpe n mu nna, mau taw nga ai a madung gaw, anhte mahtang Karai Kasang a shaga ai nsen hpe ahkyak n da nna jahpai taw nga ga ai majaw rai nga ga ai. Anhte shinggyim masha ni wa, ndai mungkan a ga-up da ai arung rai ni hte shinggrup dip gabye da hkrum nga ga ai n rai a ni? Madu Karai shaga nga ai.

Anhte a wenyi lam hta n’gun rai nga ai Missa hkungga daw jau ai hta mung manu n shadan, n shang lawm chye nga ga ai. Dai zawn re ai mabyin lam hpe galai mat na matu, Madu Karai gaw anhte yawng hpe myit masin ningnan hte shi a tara lam ni hta, hkawn sa lu hkra shakut sa ga. Madu Yesu tsun ai, Ngai gaw tengman ai lam hte ninghtoi rai nga nngai, Ngai kaw hkan nang ai wa gaw, ninghtoi hte htani htana asak lu na ra ai nga ai hte maren dai asak lu na matu, akyu chyeju ni hpe shani shagu hpyi la nga ga law.