Kaga masha ni a tara jeyang ai lam hpe hkrit ai majaw, arawng lu ai lam langai ngai hpe galaw na matu pat shingdang hkrum ai aten ni nga ai. Ga shadawn, num kasha langai mi gaw n ra sharawng ai sha akajawng sha ma hkum kap mat ai. Shi naw kaji ai majaw shi a dinghku masha ni gaw shi a hkritung na asak hpe jahkrat kau shangun mayu ai. Raitim, dai numsha gaw teng sha shi a shara kaw tsap nna, shi a ma hkum hpe n shabrai ai sha, ma shangai la ai.

Sape ni mam n si hpe gayup sha nga ai aten hta, shanhte a hkring sa nhtoi (sh) Laban nhtoi re majaw, Hparishe nkau mi shanhte hpe shadum jahprang ma ai. Raitim, Yesu gaw galoi mung mara shagun ai Hparishe ni hpe Dawi hte shi a manang ni galaw ai lam hpe tsun nna sharin achyin ya ai: Hkinjawng wa a matu sha rai nga ai muk hkungga hpe shanhte sha ma ai lam hpe tsun dan ai. Dai hpang, Yesu gaw Hparishe ni hpe daru sharin nna, shanhte a Laban Nhtoi tara hta SHI grau kaba ai lam hpe tsun shadum ai.