Karai kasang hpan da ai lam law law nga ai hta na Asak hkrung ai hka hpe manu shadan makawp makawp maga  na matu Nawku hpung kaw nna matsun madun ya sai hte maren  Myihtoi Ezekela laika daw kaba 47: kaji 9, hta tsun da ai, hka lwi ai shara shagu dusat du myeng the hka kata na nga hpan hkum sumhpa rawng nga ai the hka lwi ai shara shagu hpun Kawa,namsi nam pan, du sat du myeng ni asak hkrung nga na mara ai nga ai the maren anhte shingyim masha ni gaw manu dan tsawm htap ai asak hkrung hka a marang e akyu ara law law hkam la lu nga ai,

Anhte myenma mungdan hta Mali hka the Nmai hka nu hkrum zup nna Eyawady ngu ai hka nu kaba a majaw myenmar mungdan masha ni akyu chyeju law law hkam la lu ga ai, rai tim ya aten Myenmar mungdan shara law law hta hka shi hka nu ni then za ai marang e hka the asak hkrung nga ai, shingyim masha, hpun kawa, du sat du myeng the hka kata na nga ni  asak hkrung nga na malai, gung byin shangun ai, hkam kaja lam hkra machyi, si hkrung si htan byin shangun ai the hka kata na nga ni si htum wa shangun ai lam ni shara shagu byin nga ai hpe mu mada sawk sagawn lu ga ai.

Ya na zawn byin ai lam gaw tingkyen sut hpaga a majaw nhprang sut rai rai nga ai, hpun kawa the, ga kata na nhprang sut rai, hka kata nga hpan hkrum sumhpa the manu dan ai ja, lungseng, rare earth, mye sha   ni hpe shadawn sharam nnga htu shaw la ai majaw rai nga ai.  

Makawp maga ai ladat ni gaw, Eyawady hka nu  kaba de lwi shang wa ai hkashi hkanu ni hpe  jahten sharun ai, hpun kawa ni hpe majoi kran ai, Hka hpe gung byin shangun ai, Palastic the akyu n jaw ai maza mala ni hpe kabai bang ai, hka kau hkan jak kaba ni the ja htu ai lam ni hpe koi gam  kau ra na ga ai. San seng ai hka gaw shingyim masha ni asak hkrung lam a matu kade ahkyak nga ai lam hpe hpaji jaw ai lamang ni,  wu hpung wu hpawng hpe woi awn ai ningbaw ningla ni, makam masham hpung woi  Ningbaw ni, ramma ni, mungdan a ningbaw ningla ni du hkra hkawn hkrang makawp maga ai marang e sha ya ten asak hkrung hkawm sa nga ai mungchying sha ni hkam kaja let asak hkrung hkawm s alu ai hta n ga du na ra ai ten na anhte a kashu kasha ni hpe shimlum ai sak hkrung lam hta nga sa  shangun lu ai ni tai na ga ai, dai majaw  Karai kasang hpan da ai asak hkrung hka hpe makawp maga ga ngu hpaji jaw n gun jaw let, shiga madat ai nu wa hpu nau ni yawng hpe Hpan Madu Karai wa makawp maga bau sin ya u ga law.