Ndai shalan shabran ga hpe Wa Sarabyin Leo XIV gaw, September 20 Laban shana de, San Petru ginra pa kaba hta zuphpawng nga ai makam masham hpung masha ni hpe Angelus mungga hta tsun lai wa ai.

Shi a mungga hta, myihtoi Esaia laika hta Madu gaw myit mada shara kaba jaw ya ai, Shi a myit mang ai lam gaw anhte a myit mang ai lam n re, Shi a lam gaw anhte a lam n re ai hpe tsun dan ai lam bai myit dum shangun ai.

Shingrai, Wa Sarabyin Leo tsun ai hta, “anhte a n tara ai lam ni hpe kau da nna, matsan dum lama ai hte mara raw ya ai Madu hpang de bai nhtang wa na matu” ngu ai Myihtoi wa a shaga ai lam gaw, moi na hta grau nna ahkyak nga ai.

Karai Kasang anhte a matu hpa mung lajang da ya ai .

Wa Sarabyin gaw, Kabu Gara Shiga hta, Yesu a Ga Shadawn ni gaw, Karai Kasang anhte a matu lajang da ya ai lam nnan hpe hpaw shadan dan ai; rai tim, grau nna garan kachyan ai tara rap ra lam hte grau kaba ai tsawra myit hpe anhte madung hku nna ninghkap ai lam hpe mung hpaw shadan dan nga ai.

Kabu Gara shiga hta, Wa Sarabyin gaw, tsabyi sun hta bungli galaw na matu shaga la hkrum ai bungli galaw masha ni a lam hpe anhte na lu ai, n kau mi gaw lani mi tup bungli galaw ai, nkau mi gaw hkying hkum loi mi sha bungli galaw ai, nkau mi gaw jan shang wa ai aten hta sha bungli galaw ai.

Ga shadawn hta Wa Sarabyin gaw sun madu wa gaw hpang jahtum na ni hpe shani tup bungli galaw ai ni hte maren galaw ai lam hpe madi madun da nga ai.

Myit yu hpa gaw, bungli galaw ai ni hpe “hpang jahtum na ni kawn hpang nna, shawng na ni du hkra” shabrai jaw na matu, bungli madu wa hpe hkrak tup hkang da ai.

Myit npyaw ai lam hpe loi loi hte koi lu na re .

Wa Sarabyyin Leo gaw, shani tup bungli galaw ai ni a n kaja ai ningmu hpe koi lu na matu kade daram loi ai hpe madi madun da nga ai. Raitim, ndai lam hpe shi tsun ai gaw, Karai Kasang a kaja ai lam hpe hpaw shadan dan ai lam gaw, masha nkau mi a matu sha n rai, masha shagu a matu re ai hpe madun dan na matu, yaw shada let galaw ai re.

Tinang hkum hpe shawng nnan ngu sawn la nna, lu da ai hpe lu la sai (sh) lu la ai mahtai ni hpe lu la ging ai ngu kam ai ni a matu pyi, Karai Kasang gaw kaga ladat ni hte ningmu nnan ni nga ai hpe bai madi madun dan nga ai.

“De a malai,” Wa Sarabyin Leo mau let, “tsawra myit a tara gaw jahpan galaw ai lam hpe jahkring kau ya ai shaloi, matsan dum lama ai mahkrum madup gaw akyu rawng ai lam hpe grau dam lada hkra galaw ya ai shaloi, simsa lam a kumhpa gaw shingjawng hkat ai lam ni hpe jahkring kau ya nna, chyeju dum ai lam hta anhte hpe grau ni htep hkra galaw ya ai shaloi, anhte yawng kabu gara lam, hpaji byeng-ya hte grau kaja ai htawm hpang prat hpe lu la ga ai.”

Karai Kasang a  lam ningnan pru wa ai shara hta manawn masham na shara n nga ai .

Karai Kasang a tsabyi sun hta “magam gun” nna, Shi a Mungdan hpe sakse hkam ai hku nna, Karai Kasang a “bungli galaw manang ni” tai na hpe “chyeju” ngu tsun ai shaloi, Wa Sarabyin Leo gaw, “Karai Kasang a ningnan ai lam pru wa ai shara hta manawn masham ai, garan ginhka ai shara n nga ai” ngu nna ngang ngang kang kang tsun shadut da ai.

Ndai lam a majaw, “Madu hpe mu lu ai aten hta anhte tam ga; Shi makau kaw nga nga yang Shi hpe shaga ga; n hkru n kaja ai lam ni hte manawn masham myit mang ai lam ni hpe kau da ga” nga nna tsun ai.

Wa Sarabyin Leo XIV gaw, kam sham ai ni hpe, “anhte zawn re ai, n-gun kya ai lam n nga ai hpan da hkrum ai wa” rai nga ai, “Karai Kasang hpe myit mada let, Shi a matsan dum lama ai lam hpe kam hpa lu na matu, Shi a lam ni anhte a lam ni tai wa nna, Shi a myit mang ai lam ni anhte a myit mang ai lam ni tai wa lu na matu, anhte hpe karum ya lu ai” Chyoi Pra ai Nu Maria hpe kasi la na matu tsun shadut let shi a mungga hpe hpungdim dat ai.