Daini na Ja Chyum Mungga hpe hti sumru yu ai shaloi e, Yesu kaw hkan nang ai ni a ruyak tsin-yam lam hpe na chye lu ga ai. Dai ni na chyum mungga hta Nahtai jum nna, hpang de bai n htang gayin yu ai wa gaw, Karai Kasang a mungdan hte n ging nga ai. Shing nga nna, Madu tsun da sai. Dai majaw Madu Yesu gaw shi a hpang de hkan nang na ni hpe mungkan a arawng aya tang pyaw lam ni hte dum nta masha ni hpe myit dun ai lam ni hpe tawn kau da nna, shi a hpang de hkan nang na matu saw shaga nga ai.

Bai dai ni chyum laika a lachyum hpe ka lajang ai wa San pra ai Jerome a poi hpe galaw nga ga ai. Shi a mungga ni hpe shi a prat the rang nna, ka lajang da ai majaw, anhte ni chyum mungga hpe grau chye na lu na ahkaw ahkang lu ga ai re. San pra ai Jerome tsun ai gaw,” Chyum laika hti na matu ahkyak n da ai wa gaw, Madu Yesu hpe ahkyak n tawn da, shingdu tawn da ai wa re, nga nna, San Jerome tsun da nga ai. Dai majaw shiga madat nga ai ni yawng hte e, Madu Yesu hpe shingdu de kabai da ai rai yang, anhte a prat hta, lachyum n nga mat na sha re. Myit yaw sada da ai pan dung n nga, hting hkang ai mung kata re ai prat byin na sha re. Chyoi pra ai wenyi Karai Kasang a chyeju mung hkam la lu na n rai nga ga ai.