Daini na Ja Chyum Mungga hpe hti sumru yu ai shaloi e, Yesu hte Belzebul Nat du a lam hte, n san seng ai nat shi a n ta de bai n htang wa ai lam na chye lu ga ai. Dai ni na kabu gara shiga hta, Yesu gaw Nat tsadan hpe gawt shapraw ai shaloi, masha n kau mi gaw, Nat du kaba Belzebul a atsam hte gawt shapraw ai nga tsun nga ma ai. Bai kaga n kau mi rai yang, shanhte jep yu yang, sumsing lamu na lamik kumla hpyi ai hpe mu ai. Madu Yesu gaw grau mai kaja nna, Nat tsadan gaw n kaja ai re ngu mu mada la ai. Madu Yesu gaw wenyi lam majan hta ga garan ai hpe sadi jaw nga ai.

Shingrai ga garan nga ai nta hta gaw, wenyi lam yan hta n hkrum n ra rai, ning gun yawm mat wa ai re. Dai majaw, hpa lam hta raitim anhte a myit masin salum hpe makawp maga nna, su hprang nga na matu Madu Yesu a hpung dagu a tsam hte ahkaw ahkang hpe kam hpa na ra ga ai. Dai majaw anhte ni myit garan n gun yawm ai lam hpe tawt lai lu hkra gaw, shi Madu a hpung dagu hta kam hpa ra ai lam hte shi sharin shaga ai lam ni hpe mung hkap la nna, lam madun ya ai hpe tam la let, anhte shada da myit garan ginhka ai lam ni hpe mung tawt lai lu na teng sha rai nga ga ai. Bai nat tsadan a agung alau lam ni hpe mung tawt lai lu na rai nga ga ai.